آئندہ وزیر اعظم عمران خان ہوں گے، سندھ میں بھی تحریک انصاف کی حکومت بنے گی، حلیم عادل شیخ

پیر جون 22:20

کراچی (اُردو پوائنٹ اخبارتازہ ترین۔ 18 جون2018ء) پاکستان تحریک انصاف کے رہنما حلیم عادل شیخ نے کہا ہے کہ آئندہ وزیر اعظم عمران خان ہوں گے، سندھ میں بھی تحریک انصاف کی حکومت بنے گی۔

(جاری ہے)

سٹی کورٹ میں کاغذات نامزدگی کی جانچ پڑتال کے بعد میڈیا سے بات چیت کرتے ہوئے انہوں نے کہا کہ 10 سال کے 2 ادوار میں پیپلز پارٹی نے سندھ کو کیا دیا صوبے کی عوام صاف پانی،، صحت کی اچھی سہولتوں اور معیاری تعلیم سے محروم ہے، 6 کروڑ عوام کو گندا پانی پلانے والوں سے عوام کو کوئی امید نہیں ہے مگر انتخابات کے بعد عوام خوشحالی کا نیا دور دیکھے گی کیونکہ آئندہ وزیر اعظم عمران خان ہوں، سندھ میں بھی تحریک انصاف کی حکومت بنے گی۔

حلیم عادل شیخ کا کہنا تھا کہ تحریک انصاف چوروں اور لٹیروں کو ہر صورت احتساب کرے گی اور ملک سے بدعوانی کا خاتمہ کیا جائے گا۔ مسلم لیگ نون اور زرداری نے ملک کو تباہی کے دھانے پر پہنچادیا ہے۔