آٹھ مقام‘ماربل چلہاہ چیک پوسٹ پر پولیس اہلکاروں کا ہتک آمیز رویہ، سیاحوں کو شدید مشکلات کا سامنا

منگل 19 جون 2018 16:11

آٹھ مقام (اُردو پوائنٹ اخبارتازہ ترین - آئی این پی۔ 19 جون2018ء) ماربل چلہاہ چیک پوسٹ پر پولیس اہلکارون کا ہتک آمیز رویہ، سیاحوں کو شدید مشکلات کا سامنا۔ آئی جی پولیس متعلقہ حکام نوٹس لیں۔ تفصیلات کے مطابق باب نیلم چلہانہ چیک پوسٹ پر پولیس اور سیکیورٹی اہلکاروںنے وادی نیلم آنے والے سیاحوں کو بلاجواز تنگ کرنا شروع کر دیا ہے۔ گاڑیوں کی قطاریں بنا کر کھڑا کر دیا جاتا ہے۔

(جاری ہے)

اعتراض کرنے پر سیاحوں کے ساتھ بدتمیزی کی جاتی ہے۔ سیاحوں کو گاڑیوں سے اتار کر وقت کا ضیاع کیا جا تا ہے۔ وادی نیلم میں شاہرائے نیلم پر جگہ جگہ غیر قانونی چیک پوسٹوں سے نیلم کی سیاحت تباہی کا شکار ہو گئی ہے۔ سیاحوں نے بتایا کہ اکثر جگہوں پر اہلکار گالم گلوچ پر اتر آتے ہیں۔سول سوسائٹی عوام علاقہ نے آئی جی پولیس اور چیف آف آرمی سٹاف سے نوٹس لینے کی استدعا اور رکاوٹوں کو ختم کرنے کی اپیل کی ہے۔