فلسطینیوں کے یہودی کالونیوں پر آتشی جہازوں سے حملے،

زیر کاشت فصلوں، مقامی شہد کی صنعت تباہ

منگل 19 جون 2018 16:44

غزہ (اُردو پوائنٹ اخبارتازہ ترین - این این آئی۔ 19 جون2018ء) غزہ کی سرحد سے فلسطینیوں کی جانب سے یہودی کالونیوں پر پھینکے گئے آتشی جہازوں سے زیر کاشت فصلیں اور مقامی شہد کی صنعت تباہ ہوگئی ۔

(جاری ہے)

عبرانی اخبار کے مطابق حالیہ چند ایام کے دوران فلسطینی شہریوں کی جانب سے کاغذی آتش گیر جہازوں کے حملے میں سرحد کی دوسری جانب ایک شہد کے فارم میں آگ بھڑک اٹھی جس کے نتیجے میں شہد کی مکھیوں کے 100 چھتے تباہ ہوگئے۔اخباری رپورٹ کے مطابق تباہ ہونے والے شہد فارم سے آخری دو ماہ کے دوران تین سے پانچ ٹن شہد حاصل کیا گیا تھا۔رپورٹ میں بتایا گیا ہے کہ فلسطینیوں کے آتشی کاغذی جہازوں کے نتیجے میں شہد کے صنعت کاروں کو لاکھوں شیکل کا نقصان پہنچا ہے۔