مقبوضہ کشمیر کے سینئر صحافی شجاعت بخاری کی شہادت کیخلاف آزادکشمیر بھر کے صحافیوں کا بھارتی سفارتخانے کے باہر شدید احتجاج

مظاہرین نے اقوام متحدہ کے مبصر کو مذمتی یاداشت پیش کی ‘عالمی برادری سے مقبوضہ کشمیر کی صورتحال کا نوٹس لینے کا مطالبہ

بدھ جون 16:10

اسلام آباد(اُردو پوائنٹ اخبارتازہ ترین۔ 20 جون2018ء) مقبوضہ کشمیر کے سینئر صحافی شجاعت بخاری کی شہادت کیخلاف آزادکشمیر بھر کے صحافیوں کا بھارتی سفارتخانے کے باہر شدید احتجاج مرکزی ایوان صحافت مظفرآباد کی کال پر آزادکشمیر کے جملہ اضلاع وتحصیلوں سے پریس کلب ہاکے عہدیداران سینٹرل یونین آف جرنلسٹس آزادکشمیر سمیت صحافتی تنظیموں کے عہدیداران و کارکنان کے علاوہ سول سوسائٹی کے نمائندگان، سیاسی جماعتوں کے قائدین وزراء حکومت نے شرکت کی مظاہرین نے اقوام متحدہ کے مبصر کو مذمتی یاداشت پیش کرتے ہوئے عالمی برادری سے مقبوضہ کشمیر کی سنگین صورتحال کا نوٹس لینے کا مطالبہ کیا۔

شرکاء بھارتی مظالم کیخلاف اور شہید صحافی شجاعت بخاری سمیت کشمیری عوام سے اظہار یکجہتی کیلئے نعرہ بازی کی گی شرکاء نے احتجاجی بینرز اور کتبے اٹھا رکھے تھے احتجاجی مظاہرے سے مرکزی ایوان صحافت مظفرآباد کے صدر سید ابرار حیدر، صدر پیپلز پارٹی آزادکشمیر چوہدری لطیف اکبر، وزیر حکومت حافظ احمد رضا قادری، جماعت اسلامی کے نائب امیر نور الباری، حریت رہنماء محترمہ مشال لک، پی ٹی آئی کی محترمہ خولہ خان، ممبر اسمبلی مسلم کانفرنس صغیر چغتائی پاسبان ِحریت کے عزیز غزالی، سی یو جے کے مرکزی صدر ظفیر بابا، کشمیر پریس کلب میرپورکے صدر عابد شاہ،، عتیق احمد کیانی، محمر عارف عرفی، جنرل سیکرٹری مرکزی ایوان صحافت راجہ شجاعت، علی رضا ودیگر نے خطاب کیا۔

(جاری ہے)

جبکہ سابق وزیر مطلوب انقلابی، شوکت جاوید میر، سینئر صافی سردار ذوالفقار علی، سردار دلپذیر عباسی، ناصر بٹ، زفقت ضیاء، اعجاز خلیق، سردار اشتیاق، اخلاق کاشر، جاوید عباسی، جاوید چوہدری، امتیاز ایوان، طارق نقاش، ابراہیم گل، سہیل مغل، سرفراز میر، تنویر تنولی، عبدالحکیم کشمیری، فدا حسین، مسعود عباسی، نصیر چوہدری، سجاد میر، ثاقب علی حیدری، شاہد چوہدری،اورنگزیب جرال‘سجاد جرال ‘ فواد عباسی، عدنان چوہدری، راجہ حبیب اللہ، رانا شبیر راجوری، ذوالفقاربٹ، نصیر انور، نسیم مغل، اختر مرزا، شازین، اسلام آباد کے سینئر صحافیوں عابد عباسی، عابد خورشید، شہزاد راٹھور، خالد گردیزی، سمیت بڑی تعداد میں صحافیوں نے شرکت کی۔

اس موقع پر مظاہرین سے خطاب کرتے ہوئے مرکزی ایوان صحافت مظفرآباد کے صدر سید ابرار حیدر نے کہاکہ مقبوضة کشمیر میں بھارتی کشمیریوں کی نسل کشی کر رہا ہے عالمی برادری خاموشی توڑنے اور کشمیری عوام کو اقوام متحدہ کی قراردادوں کے مطابق حق خودارادیت دلائے۔۔بھارت نے مقبوضہ کشمیر میں ہر مکتبہ فکر کو نشانہ بنانے کے ساتھ دانشوروں اور قلمکاروں کا نشانہ بنان شروع کر رکھا ہے شجاعت بخاری کشمیریوں کی آواز تھے ان کی شہید کر کے کشمیریوں کی آواز دبانے کی کوشش کی گی ہے عالمی برادری کشمیری عوام کو بندقو اٹھانے پر مجبور نہ کرے انھوں نے پاکستان حکومت سے مقبوضة کشمیر کی سنگین صورتحال پر سفارتی محاذ پر موثر اقدامات اٹھانے کا مطالبہ کیا پی پی آزادکشمیر کے صدر چوہدری لطیف اکبر نے خطاب کرتے ہوئے کہاکہ شجاعت بخاری بہادر صحافی تھا اس کا خون رنگ لائے گا عالمی برادری مقبوضہ کشمیر کی سنگین صورتحال کا نوٹس لے بھارت مقبوضہ وادی میں گورنر راج نافذ کر کے ورند قتل و غارت کرنا چاہتا ہے وزیر حکومت اور رضا قادری نے کہکاہ شجاعت بخاری کی شہادت سے تحریک آزادی کشمیر میں نئی جہت پیدا ہو گی بھارت صاحب الرائے لوگوں کی شہید کر کے تحریک آزادی کشمیری کو کمزرور کرنے کی کوشش کر رہا ہے آزادکشمیر حکومت اور عوام اپنے مقبوضة کشمیر میں مصروف کشمیر صحافی سجاعت بخاری کی شہادت کی شدید مذمت کرتے ہوئے ان کے قاتلوں کی فوری گرفتاری کا مطالبہ کیا ہے اور کہاکہ بھارت کشمیری صحافیوں کو شہید کر کے تحیرک آزادی کشمیر کو کمزرور نہیں کر سکتا انھوں نے شجاعت بخاری شہید سمیت مقبوضة کشمیر کی جوجہد کو سلام پیش کیا