گلشن معمار، ڈاکو ریٹائرڈ سرکاری ملازم کے گھر سے 12 تولہ سونا،8لاکھ سے زائد نقدی اور قیمتی سامان سمیت 6 عدد موبائل لوٹ کر فرار

بدھ جون 18:00

کراچی (اُردو پوائنٹ اخبارتازہ ترین۔ 20 جون2018ء) گلشن معمار پولیس اور معمار انتظامیہ کی نا اہلی، ڈاکو ریٹائرڈ سرکاری ملازم کے گھر سے 12 تولہ سونا،8لاکھ سے زائد نقدی اور قیمتی سامان سمیت 6 عدد موبائل لوٹ کر فرار ہو گئے۔تفصیلات کے مطابق گلشن معمار تھانے کی حدود سیکٹر8۔x مکان نمبر بی۔

(جاری ہے)

19 میں رہائش پزیر ریٹائرڈ سرکاری ملازم جاوید عزیز خان نے گلشن معمار تھانے میں رپورٹ درج کراتے ہوئے بتایا کہ گزشتہ صبح انکا بیٹا عبید گاڑی پر دودھ لینے گیا واپس آ کر گاڑی جیسے ہی گھر کے باہر رکی 6/7 نامعلوم ملزمان نے میرے بیٹے کو اسلحے کے زور پر یرغمال بنا کر گھر میں داخل ہوئے اور میری پوری فیملی کو ایک روم میں بند کردیا اور گھر سے 12 تولہ سونا۔

8 لاکھ سے زائد نقدی۔6 عدد موبائل فون اور دیگر قیمتی اشیا لوٹ کر فرار ہو گئے مدعی کے مطابق ملزمان سندھی زبان میں بات کر رہے تھے پولیس نے ایف آئی آر کے بجائے روزنامچے میں انٹری کر کے مدعی کو روانہ کردیا مدعی کے مطابق واردات پولیس اور معمار انتظامیہ کی نا اہلی سے ہوئی ہے۔

متعلقہ عنوان :