سردار جمال خان لغاری کو اپنے حلقے کا دورہ مہنگا پڑگیا ،نوجوانوں نے اذڑے ہاتھوں لیا

پانچ سال بعد آپ کا نورانی چہرہ دیکھ رہے ہیں ،ْویڈیو وائرل ہوگئی

بدھ جون 19:20

ڈیرہ غازی خان (اُردو پوائنٹ اخبارتازہ ترین۔ 20 جون2018ء) ڈیرہ غازی خان میں ن لیگی امیدوار سردار جمال خان لغاری کو اپنے حلقے کا دورہ مہنگا پڑگیا ،نوجوانوں نے اذڑے ہاتھوں لیا۔ن لیگی امیدوار سے مکالمے کی ویڈیو وائرل ہوگئی ،نوجوانوں نے جمال لغاری کی گاڑی رکواکر شکوے کئے اور کہا کہ پانچ سال بعد آپ کا نورانی چہرہ دیکھ رہے ہیں۔اس موقع پر ن لیگی امیدوار نے کہا کہ وہ ووٹ لینے نہیں تعزیت کرنے آئے ہیں جس پر لوگ بولے برسوں پہلے مرنے والوں کی تعزیت اب کیوں یاد آئی جمال لغاری نے ویڈیو بنانے والے سے کہا کہ وہ یہ بند کردیں تاکہ آرام سے بات ہوسکے اور ساتھ ہی کہا کہ ایک ووٹ کی پرچی پر اتنا ناز اس پر نوجوان نے کہا کہ کچھ گلے شکوے کرنا ہے صرف پانچ منٹ مانگ رہے ہیں جس پر جمال لغاری نے کہا کہ بات میں بعد میں کروں گا ووٹ لینے نہیں افسوس کرنے آیا ہوں۔

(جاری ہے)

نوجوان نے ن لیگی رہنما سے استفسار کیا کہ پانچ سال پہلے لوگ مرے اور اب افسوس کرنے آئے ہیں جمال لغاری نے ویڈیو میں نوجوان سے سوال کیا کہ علاقے میں 42 کلومیٹر روڈ کس نے بنائی،جواب ملا جمہوریت نے بنوائی ہے جس پر ن لیگی رہنما نے کہا کہ چپ کر جمہوریت جمہوریت،، ہمیں سب پتہ ہے جمہوریت کیا ہوتی ہی ۔ان کا مزید کہناتھاکہ ایک ووٹ کی پرچی قبیلے کے سربراہ کو دے رہے ہواور اس پر اتنا ناز اتنی تگڑ جمال لغاری نے یہ بھی کہاکہ آپ میرے سوال کا جواب 25 جولائی کو دینا۔نوجوانوں نے مکالمے کے دوران ن لیگی رہنما کو جواباً کہا کہ انشا اللہ 25جولائی کو آپ کو جواب ملے گا ۔

متعلقہ عنوان :