خیبرپختونخوا فوڈ سیفٹی اینڈ حلال فوڈ اتھارٹی نے اشیایے خوردونوش سے وابستہ صنعت کو اپنا پہلا لائسنس جاری کردیا

بدھ جون 19:40

پشاور(اُردو پوائنٹ اخبارتازہ ترین۔ 20 جون2018ء) خیبرپختونخوا فوڈ سیفٹی اینڈ حلال فوڈ اتھارٹی نے اشیایے خوردونوش سے وابستہ صنعت کو اپنا پہلا لائسنس جاری کردیا۔ ترجمان کے پی فوڈ اتھارٹی عطااللہ خان کے مطابق لائسنس کے اپلائی سے اجرا ء تک آٹھ دن لگے جس زیادہ تر کام آن لائن ہوا۔

(جاری ہے)

ان کا مزید کہنا تھا کہ کمپنی ہذہ نے رجسٹریشن کیلئے آن لائن اپلائی کیا تھا جس پر فوری کاروائی کارتے ہوئے اتھارٹی کے متعلقہ عملے نے کمپنی کا دورہ کیا اور حفظان صحت کے اصولوں سے متعلق مجوزہ تجاویز دیں جسے کمپنی نے چار دن کے اندر اندر پورا کیا۔

ترجمان کا مزید کہنا تھا کہ آٹھویں دن لائسنس جاری کردیا جس پر کمپنی ہذہ نے اتھارٹی کے سہل طریقہ کار کی تعریف کی اور اشیائے خوردونوش کے روزگار سے وابستہ افراد کو اتھارٹی کیساتھ رجسٹریشن کرانے کی تجویز دی۔ ترجمان نے مزید کہا ہے کہ ڈائریکٹر جنرل کے پی فوڈ اتھارٹی ریاض خان محسود نے خود کمپنی ہذہ کو لائسنس جاری کرتے ہوئے کہ آئندہ وقتوں میں صوبہ بھر میں روزگارکرنے والے تمام افراد کیلئے یہ لائسنس لازمی ہوگا جس کے بغیر کوئی بھی روزگار کرنے کا اہل نہیں ہوگا۔