پرویز مشرف نے وطن واپس نہ آنے سے متعلق تمام قیاس آرائیوں کو مسترد کردیا
ساری دنیا جانتی ہے بزدل نہیں ، اے پی ایم ایل کی فرنٹ سے قیادت کر کے ملک میں بہتری لانے کے لئے واپسی کا پختہ ارادہ تھا ، سپریم کورٹ کے عدالت پیش ہونے تک گرفتار نہ کرنے کے احکامات پر تحفظات تھے ، مناسب وقت کا انتظار ہے ، پا ملک اورقوم کی بہتری کے لئے ضرور واپس آئوں گا ،3کمروں کے مکان میں رہتا ہوں ، نیب جائیداد کی ضرور تحقیقات کرے، سب کچھ بتائوں گا، آل پاکستان مسلم لیگ کے چیئرمین کا ٹیلیفونک خطاب
بدھ 20 جون 2018 20:10
(جاری ہے)
قبل ازیں اے پی ایم ایل کے مرکزی دفتر میں ملک بھر سے آل پاکستان مسلم لیگ کے قومی اسمبلی کے امیدواران کا اجلاس منعقد ہوا جس میں انتخابی مہم کے حوالے سے لائحہ عمل طے کیا گیا۔
اجلاس کے شرکاء سے پارٹی سربراہ سید پرویز مشرف نے ویڈیو لنک کے ذریعے خطاب کیا اور شرکاء کے سوالوں کے جواب دئیے۔ پریس کانفرنس سے خطاب کرتے ہوئے سید پرویز مشرف نے کہا کہ پاکستان آنا چاہتا ہوں مگر موجودہ حالات میں واپسی دانشمندی نہیں تھی۔دنیا جانتی ہے کہ میں بزدل نہیں،بہادری کے تمغے حاصل کئے ہیں۔ ملک کی مزید خدمت اور اسے ترقی سے ہمکنار کرنا چاہتا ہوں۔اپنی پارٹی اور اس کے امیدواران کی انتخابی مہم چلانا چاہتا ہوں۔ سپریم کورٹ نے صرف عدالت پیش ہونے تک گرفتار نہ کرنے کا حکم دیا تھا ، اس کے بعد اگر گرفتار کر لیا جاتا تو وطن واپسی کا مقصد ختم ہو جانا تھا۔ پاکستان، اس کے عوام اور آل پاکستان مسلم لیگ کی خدمت کے لئے مناسب وقت پر واپس آئوں گا۔ انتخابی مہم میں پارٹی کے تمام امیدواروں کو سپورٹ کروں گا۔ انہوں نے کہا کہ تین کمرے کے اپارٹمنٹ میں رہتا ہوں ، نیب جائیداد کی ضرور تحقیقات کرے سب کچھ بتائوں گا۔ اس موقع پر اے پی ایم ایل کے سیکرٹری جنرل ڈاکٹر محمد امجد نے کہا کہ سید پرویز مشرف وطن آنا چاہتے تھے لیکن سپریم کورٹ نے عجلت میں وقت کم دیا جس میں ان کی سیکورٹی ، رہائش اور سفر کے انتظامات ممکن نہیں تھے۔ نگران حکومت کی بھی کوشش تھی کہ پرویز مشرف واپس نہ آئیں۔ سپریم کورٹ نے بلایا تو سید پرویز مشرف کا پاسپورٹ اور شناختی کارڈ بلاک کر دیا گیا۔ انہوں نے کہا کہ آل پاکستان مسلم لیگ پورے ملک سے انتخابات میں ڈٹ کر مقابلہ کرے گی۔ اے پی ایم ایل کو بنے آٹھ سال ہو ئے ہیں ، اس دوران جنرل پرویز مشرف تین سال ملک میں اور پانچ سال باہر رہے۔ سید پرویز مشرف جتنا عرصہ ملک میں رہے انہیں سب جیل میں رکھا گیا ، ان کی نقل و حرکت بھی انتہائی محدود تھی ، کہیں آنے جانے کے لئے بھی اجازت لینا پڑتی ، اس کے باوجود پارٹی زندہ ہے اور آج پورے ملک سے الیکشن لڑ رہی ہے۔ان کا کہنا تھا کہ سیاستدانوں اور ان کے بچوں نے ملک کو لوٹ کر باہر جائیدادیں بنائیں۔ سید پرویز مشرف نے 35 سال فوج میں ملک کی خدمت کی اور 10 سال حکومت کی۔ نہ وہ کوئی پیسہ باہر لے کر گئے نہ بیرون ملک جائیداد بنائی۔ عدالت کے بلانے پر اسحاق ڈار ابھی تک بیمار ہے جبکہ سید پرویز مشرف متعدد بار چھوٹی بڑی عدالتوں میں پیش ہوئے۔ وہ ملک سے بھاگ کر نہیں گئے۔ ہم سپریم کورٹ میں لارجر بنچ کی تشکیل کے لئے درخواست دائر کریں گے۔ ڈاکٹر محمد امجد نے کہا کہ نیب کے کہنے کے باوجود نون لیگ کی سابق حکومت اور نگران حکومت نے میاں نواز شریف کا نام ای سی ایل میں شامل نہیں کیا جبکہ پرویز مشرف جتنا عرصہ پاکستان رہے ان کا نام ای سی ایل میں تھا۔ امتیازی سلوک نہیں ہونا چاہئے اور سب کو یکساں مواقع ملنے چاہئیں۔مزید قومی خبریں
-
صدرمملکت کے خطاب پر بحث کے حوالے سے ایوان کے اتفاق رائے سے امور طے کیے جائیں گے، سپیکرقومی اسمبلی
-
گرل فرینڈ کا برگر کھانے پر ایس ایس پی کے بیٹے نے جج کے بیٹے کو قتل کر دیا
-
پنجاب پولیس کو 1ارب 20کروڑ روپے کے فنڈز جاری
-
9 مئی: ڈاکٹر یاسمین راشد کی درخواست ضمانت پر سماعت 27 اپریل تک ملتوی
-
موسمیاتی تبدیلی کرہ ارض کا درپیش عظیم چیلنج ہے، صورتحال کی سنگینی کو سمجھنا ہوگا: بلیغ الرحمان
-
گرفتاری کاڈر:شیر افضل مروت نے اسلام آباد ہائی کورٹ سے حفاظتی ضمانت کیلئے رجوع کرلیا
-
فواد چوہدری کیخلاف مقدمات،سیکرٹری داخلہ کو توہین عدالت کی درخواست پر نوٹس
-
کے پی حکومت کا بیوٹی پارلرز کے بعد وکلا کو بھی فکسڈ ٹیکس نیٹ میں لانے کا فیصلہ
-
راولپنڈی، 7 سالہ لڑکی کی قابل اعتراض تصاویر اور ویڈیوز وائرل کرنے پر ملزم کو 3 سال قید اور 25 لاکھ روپے جرمانہ کی سزا
-
جاوید لطیف اور رانا تنویر کے درمیان اختلافات حلقے میں ٹکٹوں کی تقسیم تنازع قرار
-
محاز آرائی سے جمہوریت کمزور ہوگی،مولانا نام بتائیں اسمبلی کس نے بیچی،فیصل کریم کنڈی
-
وزیراعظم کے تاجروں سے خطاب کے دوران بھی بانی پی ٹی آئی عمران خان کا تذکرہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.