فلم ’’سیکاریو‘‘ کے سیکوئل ’’سولڈیڈو‘‘کی نئی جھلکیاں جاری کردی گئیں

مولی اسمتھ اور باسل لوانک کی مشترکہ پروڈیو س کردہ یہ فلم29جون کو سینما گھروں کی زینت بنے گی

جمعرات 21 جون 2018 11:44

نیویارک (اُردو پوائنٹ اخبارتازہ ترین - این این آئی۔ 21 جون2018ء) ایکشن فلموں کے دیوانے ہوجائیں تیار کیونکہ امریکن کرائم تھرلر فلم ’’سیکاریو‘‘ کے سیکوئل ’’سولڈیڈو‘‘کی نئی جھلکیاں جاری کردی گئی ہیں۔اسٹیفانو سولیماکی ہدایتکاری میں بننے والی یہ فلم 2015میں ریلیز ہونے والی فلم سیکاریو کا سیکوئل ہے۔

(جاری ہے)

جس کی کہانی ایک ایسے ڈرگ مافیا کے گرد گھوم رہی ہے جو دہشت گرد اسمگل کررہا ہوتا ہے جس کو ختم کرنے کیلئے سی آئی اے کی ایک ٹیم بھیجی جاتی ہے۔

فلم کی کاسٹ بینیسیو ڈیل تورو،جوش برولین،جیفرے ڈونووین،ایسابیلا مونر،کیتھرین کینر اور ڈیوڈ کاسٹانیڈا سمیت دیگر اداکار شامل ہیں۔مولی اسمتھ اور باسل لوانک کی مشترکہ پروڈیو س کردہ یہ فلم29جون کو سینما گھروں میں نمائش کیلئے پیش کی جائے گی۔