ریجنل پولیس آفیسر کا ڈویژن بھر میں انعامی بانڈز کی پرچیوں پر ہونے والا جوا ء روکنے کیلئے فوری کریک ڈائون کا حکم

جمعرات 21 جون 2018 13:45

فیصل آباد۔21 جون(اُردو پوائنٹ اخبارتازہ ترین - اے پی پی۔ 21 جون2018ء) ریجنل پولیس آفیسر فیصل آباد نے فیصل آباد ، جھنگ ،ٹوبہ -ٹیک سنگھ ، چنیوٹ سمیت ڈویژن بھر کے تمام علاقوں میں انعامی بانڈ ز کے نمبر ز کی آڑ میں ہونے والا پرچی جواء فوری طور پر روکنے کے احکامات جاری کئے ہیں اور ڈسٹرکٹ پولیس آفیسرز و ایس ایس پی آپریشن کو ہدائت کی گئی ہے کہ وہ گلی محلوں میں کھیلا جانے والا یہ جواء روکنے کیلئے سخت اقدامات کریں ۔

(جاری ہے)

ریجنل پولیس کے ترجمان نے بتا یا کہ آر پی او کے علم میں یہ بات لائی گئی ہے کہ انعامی بانڈز کی پر چیوں پر ہونے والے جوئے نے کئی گھرانے تباہ کر دیئے ہیں جبکہ جواریوں کی بڑھتی ہوئی تعداد کے باعث سٹریٹ کرائمز کی وارداتوں میں بھی اضافہ ہوتا جا رہا ہے۔ انہوںنے بتا یا کہ متعلقہ حکام کو ہدائت کی گئی ہے کہ وہ پر چی جواء کا غیر قانونی دھندہ روکنے کیلئے تمام وسائل بروئے کار لائیں اور روزانہ کی بنیاد پر کار وائی کی رپورٹ آر پی او آفس کو ارسال کی جائے ۔ انہوںنے کہا کہ اس ضمن میں کسی غفلت ، کوتاہی یا لا پرواہی کو برداشت نہیں کیا جائے گا۔