کاغذات نامزدگی مسترد یا منظور ہونے کے خلاف اپیلیں دائر کرنے کا (آج) آخری دن

خیبرپختونخوا میں چھ، پنجاب میں آٹھ سندھ میں چار، بلوچستان میں دو اور اسلام آباد میں ایک ٹر بیونل قائم ، ایپلٹ ٹربیونل 27 جون تک اپیلوں کا فیصلہ کریں گے

جمعرات 21 جون 2018 15:50

اسلام آباد (اُردو پوائنٹ اخبارتازہ ترین - آئی این پی۔ 21 جون2018ء) ریٹرننگ افسروں کی جانب سے قومی اور صوبائی اسمبلیوں کے لئے کاغذات نامزدگی منظور یا مسترد کئے جانے کے خلاف اپیلیں دائر کرنے کا (آج)جمعہ کوآخری دن ہے۔

(جاری ہے)

الیکشن کمیشن نے اپیلوں کی سماعت کیلئے 21 ٹربیونل قائم کئے ہیں۔ الیکشن کمیشن کے مطابق خیبرپختونخوا میں چھ، پنجاب میں آٹھ سندھ میں چار، بلوچستان میں دو اور اسلام آباد میں ایک ٹر بیونل قائم کیا ہے۔ ایپلٹ ٹربیونل اس ماہ کی 27 تاریخ تک اپیلوں کا فیصلہ کریں گے جس کے بعد اگلے روز امیدواروں کی نظرثانی شدہ فہرست شائع کی جائے گی۔