چیئرمین نیب نے سابق صوبائی وزیر شرجیل انعام میمن کی مبینہ آمدن سے زائد اثاثے بنانے کی شکایت کا نوٹس لے لیا

جمعرات 21 جون 2018 19:50

اسلام آباد (اُردو پوائنٹ اخبارتازہ ترین - آئی این پی۔ 21 جون2018ء) چیئرمین نیب جسٹس (ر) جاوید اقبال نے سابق صوبائی وزیر شرجیل انعام میمن کی طرف سے مبینہ طور پر آمدن سے زائد اثاثے بنانے کی شکایت کا نوٹس لے لیا جب کہ نیپرا کی مدد سے آئی پی پیز کی طرف سے سنٹرل پاور پرچیزنگ ایجنسی کو مہنگے داموں بجلی کی فروخت کی انکوائری کا حکم بھی دے دیا گیا ہے ۔

(جاری ہے)

نیب ترجمان کے مطابق ڈی جی نیب کراچی کو شرجیل انعام میمن کے خلاف آمدن سے زائد اثاثے بنانے کی شکایت کی جانچ پڑتال کا حکم دیا گیا ہے ۔ چیئرمین نیب نے ڈی جی نیب راولپنڈی کو آئی پی پیز کی طرف سے نیپرا کی ملی بھگت سے سنٹرل پاور پرچیزنگ ایجنسی کو مہنگے داموں بجلی کی فروخت کی انکوائری کرنے کا حکم دیا ہے ۔