کلثوم نواز کی بیماری کے حوالے سے اعتزاز احسن کا بیان افسوسناک ہے ، مریم اورنگزیب

اعتزاز حسین سیاسی بصیرت رکھتے ہیں اور سیاسی میدان میں قدر آوار شخصیت سمجھے جاتے ہیں لیکن کلثوم نواز کی بیماری کو سیاسی رنگ نہیں دینا چاہیے،سابق وزیر اطلاعات انتخابی ٹکٹ کے معاملے پر پی ٹی آئی اپنے ہی ورکز سے منہ چھپاتی پھیر رہی ہے،نیب میں گزشتہ 8 ماہ میں دائر مقدموں پر کوئی توجہ نہیں دی گئی، ساری کوششیں نوازشریف کے خلاف جاری ہیں، پریس کانفرنس

جمعرات جون 21:30

لاہور(اُردو پوائنٹ اخبارتازہ ترین۔ 21 جون2018ء) مسلم لیگ(ن) کی رہنما اور سابق وفاقی وزیراطلاعات و نشریات مریم اورنگزیب نے اعتزازحسین کی جانب سے کلثوم نواز کی بیماری سے متعلق بیان پر افسوس کا اظہار کیا۔انہوں نے کہا کہ اعتزاز حسین سیاسی بصیرت رکھتے ہیں اور سیاسی میدان میں قدر آوار شخصیت سمجھے جاتے ہیں لیکن کلثوم نواز کی بیماری کو سیاسی رنگ نہیں دینا چاہیے۔

واضح رہے کہ گزشتہ دنوں پاکستان پیپلز پارٹی (پی پی پی) کے رہنما اعتزاز احسن نے کہا تھا کہ کلثوم نوازوینٹیلیڑ پر ہیں جس کے بعد علاج ممکن نہیں۔۔مریم اورنگزیب کا کہنا تھا کہ کلثوم نواز کی بیماری ریٹنگ کیلئیخبریں چل رہی ہیں جو افسوسناک امر ہے۔ان کا کہنا تھا کہ قومی احتساب بیورو (نیب) میں گزشتہ 8 ماہ میں دائر مقدموں پر کوئی توجہ نہیں دی گئی، لیکن ساری کوشیں نوازشریف اور مسلم لیگ (ن) کے رہنماں کے خلاف جاری ہے۔

(جاری ہے)

پریس کانفرنس کے دوران انہوں نے اپنے سیاسی حریف جماعت پاکستان تحریک انصاف ((پی ٹی آئی)) پر کڑی تنقید کرتے ہوئے کہا کہ انتخابی ٹکٹ کے معاملے پر پی ٹی آئی اپنے ہی ورکز سے منہ چھپاتی پھیر رہی ہے جبکہ گزشتہ 5 دنوں سے بنی گالہ میں بند کمرے میں چھپ کر اجلاس ہو رہاہے اور اچانک اعلان کیا گیا کہ انتخابی مہم کا آغاز 24 جون سے کیا جارہاہے۔۔مریم اورنگزیب نے پی ٹی آئی کے ترجمان فواد چوہدری کے بارے میں کہا کہ فواد چوہدری پر بہت افسوس ہے، وہ پہلے 5 سیاسی جماعتوں کے ترجمان رہے اور اب بڑی مشکل ہیں۔

ان کا کہنا تھا کہ 2013 میں وزارت عظمی کے لیے شیروانی سیلوانے والے خیالی وزیراعظم ((عمران خان)) اپنے ہی کارکنان چھپ کر بنی گالہ میں بیٹھے ہیں اور رینجرز اور پولیس کی حفاظت کے لیے طلب کرلی ہے۔انہوں نے کہا کہ خیبرپختونخوا کے لیے جتنے دعوے کیے وہ منصوبے نہ لگا سکے، اس لیے عمران خان 2018 میں ناکارہ اور نااہل ثابت ہوئے ہیں۔سابق وفاقی وزیر نے الزام عائد کیا کہ عمران خان کی جانب سے اسکول اصلاحات کا منصوبہ بری طرح ناکام رہا جس کا ثبوت مختلف رپورٹس ہیں۔۔