فیفا ورلڈ کپ میں پاکستانی منفرد فٹ بال کی دھوم، فٹ بال کی برآمدات 15 فیصد بڑھ گئی

جمعہ 22 جون 2018 07:10

کراچی ۔ (اُردو پوائنٹ اخبارتازہ ترین - اے پی پی۔ 22 جون2018ء) فیفا ورلڈ کپ میں پاکستانی منفرد فٹ بال کی دھوم، فٹ بال کی برآمدات 15 فیصد بڑھ گئی۔ پاکستانی فٹ بال کے چرچے اپنے معیار اور پائیداری کی بنیاد پر دنیا بھر میں ہیں۔

(جاری ہے)

یہی وجہ ہے کہ کروڑوں ڈالر کے کھلاڑی پاکستانی فٹ بال کے دیوانے ہیں اور اسی فٹ سے کھیلنا بھی پسند کرتے ہیں، چار ماہ میں فٹ بال کی برآمدات 15 فیصد اضافے سے 6 کروڑ ڈالر تک پہنچ گئیں جبکہ جولائی سے اپریل کے دوران پاکستانی فٹ کی برآمدات 13 فیصد اضافے سے لگ بھگ 14 کروڑ ڈالر رہی۔

واضح رہے کہ اس بار پاکستان نے فیفا ورلڈ کپ کے لئے منفرد ’’سٹیچ لیس‘‘ یا بغیر ٹانکے والی فٹ بال متعارف کرائی ہیں۔ تجزیہ کاروں کے مطابق پاکستان فٹ بالز دنیا بھر میں بہت مشہور ہیں اگر اس کی صحیح معنوں میں مارکیٹنگ کی جائے تو اس کی برآمدات کو مزید بڑھایا جا سکتا ہے۔