بریگزٹ کے بعد آئرلینڈ اور برطانیہ کے مابین بارڈر کنٹرول کا معاملہ جلد حل کیا جائے، یٴْنکر

جمعہ 22 جون 2018 09:20

ڈبلن ۔ (اُردو پوائنٹ اخبارتازہ ترین - اے پی پی۔ 22 جون2018ء) یورپی کمیشن کے صدر ژاں کلود یٴْنکر نے برطانیہ کو خبردار کیا ہے کہ بریگزٹ کے بعد آئرلینڈ اور برطانیہ کے مابین بارڈر کنٹرول کا معاملہ حل کرنے کے لیے برطانیہ کو جلد اہم اقدامات کرنا پڑیں گے۔ یٴْنکر آئرلینڈ کے دورے پر ڈبلن میں ہیں۔

(جاری ہے)

شمالی آئرلینڈ برطانیہ کا حصہ ہے جب کہ آئرلینڈ یورپی یونین کا رکن ملک ہے۔ برطانیہ بریگزٹ کے بعد اس سرحد پر بارڈر کنٹرول نافذ رکھنا چاہتا ہے۔ یورپی یونین نے یہ تجویز بھی پیش کر رکھی ہے کہ معاملات حل ہونے تک آئرلینڈ اور شمالی آئرلینڈ یونین ہی میں شامل رہیں، تاہم برطانیہ اس تجویز سے متفق نہیں ہے۔