رواں مالی سال 2017-18ء کے دوران خام روئی کی قومی برآمدات میں32.66فیصد کا نمایاں اضافہ

جمعہ 22 جون 2018 09:40

اسلام آباد ۔ (اُردو پوائنٹ اخبارتازہ ترین - اے پی پی۔ 22 جون2018ء) رواں مالی سال 2017-18ء کے دوران خام روئی کی قومی برآمدات میں32.66فیصد کا نمایاں اضافہ ہوا ہے۔

(جاری ہے)

ادارہ برائے شماریات پاکستان(پی بی ایس) کے اعدادوشمارکے مطابق رواں مالی سال کے ابتدائی گیارہ مہینوں میں جولائی تا مئی 2017-18ء کے دوران خام روئی کی برآمدات سے 57.541ملین ڈالر کا زرمبادلہ کمایا گیا ہے جبکہ گذشتہ مالی سال کے اسی عرصہ کے دوران خام روئی کی برآمدات کا حجم 43.374 ملین ڈالر ریکارڈ کیا گیا تھا۔ اس طرح گذشتہ مالی سال کے مقابلہ میں رواں مالی سال کے دوران خام روئی کی قومی برآمدات میں14.167ملین ڈالر یعنی 32.66 فیصد کا اضافہ ریکارڈ کیا گیا ہے۔