ترکی کا بھی امریکی مصنوعات پر بھاری جوابی ٹیکس لگانے کا اعلان

امریکی معیشت کو درپیش مشکلات کا غلط طور پر ذمہ دار ٹہرانے کاالزام قبول نہیں کریں گے،ترک وزیرتجارت

جمعہ 22 جون 2018 11:40

ترکی کا بھی امریکی مصنوعات پر بھاری جوابی ٹیکس لگانے کا اعلان

انقرہ(اُردو پوائنٹ اخبارتازہ ترین - این این آئی۔ 22 جون2018ء) ترکی نے اعلان کیا ہے کہ وہ امریکی صدر ڈونلڈ ٹرمپ کی جانب سے فولاد اور المونیم پر محصولات لگانے کے جواب میں ایک ارب 80 کروڑ ڈالر مالیت کے امریکی سامان پر ٹیکس لگائے گا۔

(جاری ہے)

میڈیارپورٹس کے مطابق تجارت کے عالمی ادارے ورلڈ ٹریڈ آرگنائزیشن نے کہا کہ ترکی کی جانب سے امریکی مال پر لگائے جانے والے ٹیکسوں کی مالیت 26 کروڑ 65 لاکھ ڈالر ہو گی اور یہ ٹیکس جن چیزوں پر لگائے جائیں گے ان میں کاریں، کوئلہ، کاغذ، چاول اور تمباکو شامل ہیں۔

ترکی کے معاشی امور کے وزیر نحت زیبکسی نے اپنے ایک بیان میں کہا کہ ترکی اس بات کی اجازت نہیں دے گا کہ اسے امریکی معیشت کو درپیش مشکلات کا غلط طور پر ذمہ دار ٹہرایا جائے۔ ان کا مزید کہنا تھا کہ ہم اس کے حل کا حصہ ہیں نہ کہ مسئلے کا۔