زرعی اجناس موسم کیمطابق کاشت کرنے کیلئے محکمہ زراعت نے تحقیق شروع کردی

جمعہ 22 جون 2018 12:51

لاہور۔22 جون(اُردو پوائنٹ اخبارتازہ ترین - اے پی پی۔ 22 جون2018ء) زرعی اجناس موسم کے مطابق کاشت کرنے کے لئے محکمہ زراعت نے تحقیق شروع کردی ، منصوبہ کا مقصد کسان کو موسم کے مطابق فصلوں کی کاشت کرنے کے لئے اقدامات تجویز کرنا ہے ، ایوب زرعی تحقیقاتی ادارہ فیصل آباد نے ایک منصوبہ پر کام شروع کر دیا ہے جس کے تحت پنجاب کی آب و ہوا میں اعلیٰ قدر کی پھلدار فصلوں پر تحقیق اور تعارف کرایا جائے گا۔

(جاری ہے)

اس منصوبے کی کل مالیت 3 کروڑ 46لاکھ روپے ہے جس میں سے 46لاکھ 57ہزار روپے سال 2017-18کے لئے مختص کئے گئے ہیں۔ منصوبہ کی کل مدت پانچ سال ہے۔ یہ منصوبہ چکوال کے لئے ہے۔ اس منصوبے کا مقصد خطہ پوٹھوار کے لئے اعلیٰ قدر کی پھلدار فصلوں کی جدید اقسام کا انتخاب کرناہے۔اس منصوبہ سے اعلیٰ قدر کی 9پھلدار فصلوں (پستہ، انجیر، چیکو، نیکٹرین، بیریز، انگور وغیرہ) کے 919پودوں کی درآمد اور ان پر تحقیق کا آغاز ہو چکا ہے۔

Facebook Twitter Google + Share on Whatsapp

زرعی اجناس موسم کیمطابق کاشت کرنے کیلئے محکمہ زراعت نے تحقیق شروع کردی

متعلقہ عنوان :

مزید زراعت کی خبریں