ایڈیشنل اسسٹنٹ کمشنر (ریونیو) اسد محمود لودھی نے ہرنو میں ہزارہ میوزمنٹ پارک سمیت تمام جھولے سیل کر دیئے

جمعہ جون 15:17

ایبٹ آباد۔ 20 جون (اُردو پوائنٹ اخبارتازہ ترین۔ 22 جون2018ء) صوبائی حکومت کی ہدایت کی روشنی میں ایڈیشنل اسسٹنٹ کمشنر (ریونیو) اسد محمود لودھی نے ہرنو میں ہزارہ میوزمنٹ پارک سمیت تمام جھولے سیل کر دیئے۔ ایڈیشنل اے سی نے مالکان کو ہدایت کی کہ وہ چھ روز کے اندر سرٹیفکیٹ اور ضلعی انتظامیہ کی جانب سے جاری کر دہ این او سی پیش کریں، جھولوں کے صحیح ہونے کا مکمل سرٹیفکیٹ پیش کریں، کسی بھی حادثہ کی صورت میں مالکان ذمہ دار ہوں گے۔

تفصیلات کے مطابق لیڈی گارڈن حادثہ میں تین قیمتی جانوں کے ضیاع کے بعد صوبائی حکومت نے صوبہ بھر میں تمام جھولے سیل کرنے کا حکم جاری کرتے ہوئے ہدایات جاری کیں کہ جب تک مالکان سیفٹی سرٹیفکیٹ اور بیان حلفی پیش نہیں کرتے ان کے تمام جھولوں کو سیل کیا جائے۔

(جاری ہے)

اس سلسلہ میں گذشتہ روز ایڈیشنل اسسٹنٹ کمشنر (ریونیو) اسد محمود لودھی نے لوکل پولیس اور ٹی ایم اے سٹاف کے ہمراہ ہرنو میں ہزارہ میوزمنٹ پارک سمیت ہرنو میں موجود تمام جھولوں کو سیل کرتے ہوئے مالکان کو ہدایات جاری کیں کہ جب تک سیفٹی سرٹیفکیٹ پیش نہیں کرتے اس وقت تک تمام جھولے مکمل طور پر سیل رہیں گے۔

مالکان اپنی جانب سے بیان حلفی پیش کریں کہ کسی بھی حادثہ کی صورت میں تمام تر ذمہ داری جھولوں کے مالکان پر عائد ہو گی۔

متعلقہ عنوان :