انگلینڈ اور آسٹریلیا کے درمیان آخری ون ڈے پرسوں کھیلا جائیگا، انگلینڈ کو 4-0فیصلہ کن برتری حاصل

جمعہ 22 جون 2018 16:57

مانچسٹر(اُردو پوائنٹ اخبارتازہ ترین - آئی این پی۔ 22 جون2018ء) انگلینڈ اور آسٹریلیا کی کرکٹ ٹیموں کے درمیان پانچ ایک روزہ بین الاقوامی میچوں پر مشتمل سیریز کا آخری میچ پرسوں اتوار کو مانچسٹر میں کھیلا جائیگا۔ میزبان ٹیم کو پانچ میچوں کی سیریز میں آسٹریلیا کے خلاف 4-0 کی فیصلہ کن برتری حاصل ہے۔ انگلینڈ نے پہلے میچ میں کینگروز کو 3 وکٹوں سے شکست دی۔

(جاری ہے)

دوسرے میچ میں انگلینڈ نے کینگروز کو 38 رنز سے شکست دی، تیسرے میچ میں انگلینڈ نے نہ صرف آسٹریلیا کو بڑے مارجن 242 رنز سے شکست دی بلکہ ون ڈے کرکٹ کی تاریخ میں آسٹریلیا کے لئے سب سے بڑا مجموعہ ترتیب دیا اور پانچ میچوں کی سیریز کے چوتھے میچ میں میزبان ٹیم نے کینگروز کو 6 وکٹوں سے شکست دیکر سیریز میں 4-0 کی فیصلہ کن برتری بھی حاصل کرلی ۔ دونوں ٹیموں کے درمیان پانچ میچوں کی سیریز کے بعد شڈول میں شامل واحد ٹی ٹونٹی کرکٹ میچ 27 جون کو برمنگھم میں کھیلا جائیگا۔