گرتی ہوئی ملکی معیشت کو سہارا دینے کے لئے ایمنسٹی اسکیم کی کامیابی انتہائی ضروری ہے ، تاریخ بڑھائی جائے،میاں زاہد حسین
جمعہ 22 جون 2018 17:40
(جاری ہے)
IMFکے مطابق ملک میں زرمبادلہ کے ذخائر کم از کم تین ماہ کے امپورٹ بلز کے برابر ہونے چاہئے۔
ڈالر کی قدر میں پچھلے 6ماہ کے دوران 15فیصد اضافہ ہوا ہے، جبکہ پچھلے دو ہفتوں کے دوران ڈالر 6روپے مہنگا ہوا ہے جس سے پاکستان پر قرضوں کے بوجھ میں 15ارب ڈالر کا اضافہ ہوگیا ہے۔ موڈیز کے مطابق آئندہ مالی سال کے دوران مہنگا ئی کی شرح 4فیصد سے بڑھ کر 7فیصد ہونے کا امکان ہے۔ گزشتہ دو دنوں میں پاکستان اسٹاک ایکسچینج میں 1324پوائنٹس کی کمی سے سرمایہ کاروں اور عوام کو284ارب روپے کا خسارہ ہوا ہے۔ میاں زاہد حسین نے بزنس کمیونٹی سے گفتگو میں کہا کہ کاروبار اور سرمایہ کاری کی صورتحال منجمد اور رو بزوال ہے، جس کے باعث آئندہ آنے والے دنوں میں زرمبادلہ کے ذخائر بڑھنے کا کوئی امکان نہیں ہے۔سابقہ حکومت کی طرف سے برآمدی سیکٹر کو فراہم کردہ ترغیبات کے نتیجے میں برآمدات میں 2ارب ڈالر کا اضافہ ہوا، تاہم اس میں مزید اضافہ ازبس ضروری ہے، ملک میں کاروبار کرنے کی لاگت کم کرنے کے لئے اقدامات کئے جائیں۔اسٹیٹ بینک آف پاکستان کے مطابق رواں مالی سال میں بیلنس آف پیمِنٹ کا خسارہ 11ہزار ملین ڈالر سے بڑھ کر تقریباً16ہزار ملین ڈالر ہوگیا ہے۔میاں زاہد حسین نے کہاکہ سابقہ حکومت کی طرف سے اعلان کردہ ایمنسٹی اسکیم کو کامیاب کرکے اس مشکل صورتحال سے بچا جاسکتا ہے۔ حکومتی اداروں کے اندازے کے مطابق اگر ایمنسٹی اسکیم کامیاب ہوجاتی ہے تو ملک میں3تا5ارب ڈالر کی مالیت کے اثاثے ٹیکس نیٹ میں شامل ہونے کے امکانات ہیں۔ ایمنسٹی اسکیم کی کامیابی کے لئے نگراں حکومت سنجیدہ کوششیں کررہی ہے اور پاکستان ٹیکس بار کی طرف سے دی گئی 17میں سے 16تجاویز منظور کرلی گئیں ہیں، جس سے امید کی جارہی ہے کہ متوقع نتائج حاصل ہوسکیں گے تاہم ایمنسٹی اسکیم کی آخری تاریخ 30جون میں اضافہ ناگزیر ہے۔ اگر ایمنسٹی اسکیم سے مطلوبہ نتائج حاصل نہیں ہوئے تو کشکول توڑنے کے دعوے دھرے کے دھرے رہ جائیںگے اور پاکستان ایک بار پھر اس مشکل صورتحال سے نمٹنے کے لئے مجبوراًIMFکی کڑی شرائط پر مزید قرضہ حاصل کرنے کی کوشش کرے گا۔ معیشت کی گرتی صورتحال سے نمٹنا آنے والی منتخب حکومت کے لئے ایک بہت بڑا چیلنج ہوگا، جو آسان نہیں۔میاں زاہد حسین نے کہا کہ آنے والی حکومت کو معیشت کی اس ابتر صورتحال کو بہتر کرنے کے لئے اقدامات کرنے کے ساتھ ساتھ برآمدات میںخاطرخواہ اضافہ کرنے، بیرونی سرمایہ کاروں کو متوجہ کرنے اور ملکی صنعتوں کو فروغ دینے کے لئے سنجیدہ اقدامات کرنے ہوںگے۔مزید تجارتی خبریں
-
پاکستان سٹاک ایکسچینج میں تیزی کانیاریکارڈقائم،انڈیکس 619.79 پوائنٹس کے اضافہ کے بعد 70909.90 پوائنٹس پربند
-
ملکی صرافہ مارکیٹوں میں جمعہ کے روز سونا مزید مہنگا ہو گیا
-
انٹربینک میں جمعہ کو روپے کے مقابلے ڈالر سستا ہو گیا تاہم اوپن مارکیٹ میں ڈالر کی قدر بڑھ گئی
-
پاکستان میں پولٹری کے شعبہ نے تیزی سے ترقی کی ہے ،ڈاکٹرسجاد ارشد
-
ٹریکٹروں کی فروخت میں جاری مالی سال کے پہلے 9 ماہ میں سالانہ بنیادوں پر 66 فیصداضافہ
-
پاکستان سٹاک ایکسچینج میں مسلسل دوسرے روز مندی کارحجان،کے ایس ای 100 انڈیکس 43.20 پوائنٹس کی کمی کے بعد 70290.11 پوائنٹس پربند
-
لاہور:برائلر گوشت کی قیمت 699روپے فی کلو تک پہنچ گئی
-
انٹر بینک اور اوپن مارکیٹ میں روپے کے مقابلے ڈالر مہنگا
-
سونے کی قیمتوں کا کمی کا رجحان
-
اٹک سیمنٹ نے 1.27 ملین ٹن سالانہ کی نصب صلاحیت کے ساتھ ایک نئی پیداواری لائن کے اضافے کا اعلان
-
بینکوں کے ڈیپازٹس، قلیل مدت کے قرضوں اورسرمایہ کاری میں مارچ کے دوران سالانہ بنیاد پر اضافہ ہوا،سٹیٹ بینک
-
پاکستان سٹاک ایکسچینج میں تیزی،100 انڈیکس51 پوائنٹس اضافہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.