ایک ماہ میں ٹیکسٹائل برآمدات میں 28 فیصد اضافہ ہو ا

روپے کی گرتی قدر کے باعث پاکستانی اشیائ دیگر ممالک کے مقابلے سستی ہو رہی ہیں

جمعہ 22 جون 2018 18:35

فیصل آباد (اُردو پوائنٹ اخبارتازہ ترین - آن لائن۔ 22 جون2018ء) سات برس میں پہلی بار ایک ماہ میں ٹیکسٹائل برآمدات میں 28 فیصد اضافہ ہوا، مئی میں 1 ارب 20 کروڑ ڈالر کی ٹیکسٹائل مصنوعات برآمد ہوئی۔روپے کی گرتی قدر کے باعث پاکستانی اشیائ دیگر ممالک کے مقابلے سستی ہو رہی ہیں، یہی وجہ ہے کہ ٹیکسٹائل مصنوعات کی برآمدات میں اضافے کا رجحان جاری ہے۔

(جاری ہے)

سات سال میں پہلی بار کسی ایک ماہ میں ٹیکسٹائل برآمدات 28 فیصد اضافہ ریکارڈ کیا گیا۔مئی میں ٹیکسٹائل برآمدات 1 ارب 20 کروڑ ڈالر ریکارڈ کی گئیں جبکہ گذشتہ سال مئی میں 94 کروڑ ڈالر کی ٹیکسٹائل مصنوعات برآمد کی گئی تھیں۔ رواں مالی سال کے گیارہ ماہ میں ٹیکسٹائل مصنوعات کی برآمدات 10 فیصد اضافے سے 12 ارب 33 کروڑ ڈالر رہی۔ اس عرصے میں نیٹ ویئر کی ایکسپورٹ 17 فیصد اضافے سے 2 ارب 40 کروڑ ڈالر اور مبلوسات کی برآمدات 13 فیصد اضافے سے 2 ارب 30 کروڑ ڈالر ریکارڈ کی گئی۔۔