پی ٹی آئی کی حکومت آئی تو اسلام آباد کے متاثرین کو چھ ماہ میں انصاف دلائینگے

تحریک انصاف کے مرکزی رہنما اسد عمر کا این اے 54 کی مختلف یونین کونسلوں میں کارنر میٹنگز سے خطاب

جمعہ 22 جون 2018 21:29

اسلام آباد(اُردو پوائنٹ اخبارتازہ ترین - آئی این پی۔ 22 جون2018ء) پاکستان تحریک انصاف کے مرکزی رہنما اسد عمر نے کہا ہے کہ پی ٹی آئی کی حکومت آئی تو اسلام آباد کے متاثرین کو چھ ماہ میں انصاف دلائینگے۔جمعہ کو پاکستان تحریک انصاف کے مرکزی رہنما اور امیدوار برائے این اے 54 اسد عمر نے اسلام آباد کے دیہی علاقوں میں مختلف یونین کونسلوں میں کارنر میٹنگز سے خطاب کرتے ہوئے کہا کہپاکستان تحریک انصاف کی حکومت آئی تو اسلام آباد کے متاثرین کو چھ ماہ میں انصاف دلائینگے ۔

دریک موری کے علاقے میں ملک فرزند علی، ملک اللہ بخش،ملک غلام دستگیر، ملک بنارس اور ملک لیاقت اپنی برادری سمیت نے آیندہ ماہ جولائی میں ہونے والیالیکشن میں اسد عمر کا بھرپور ساتھ دینے کا اعلان کیا۔

(جاری ہے)

اس موقع پر اسد عمر نے سب کا شکریہ ادا کیا اور پاکستان تحریک انصاف کی حکومت آتے ہی اس علاقے کی تعمیر وترقی کا وعدہ کیا۔یو سی میراں جعفر پی ٹی آئی کے جنرل سیکرٹری فاضل بٹ اور بادیاں رستم خان کے چوہدری محمد ارشد کے ہاں کارنر میٹنگز سے خطاب کرتے ہوئے اسد عمر نے کہا اس علاقے کی تعمیر وترقی کی طرف خصوصی توجہ ضرورت ہے اور یہاں کے متاثرین کو انشاء اللہ چھ ماہ میں انصاف دلائینگے۔اس موقع پر ڈسٹرکٹ اسلام آباد کے صدر نعیم خان اور جنرل سیکرٹری جمشید مغل بھی موجود تھے۔