جیکب آبادمیں پی پی کے سابق جنرل سیکریٹری نے اپنی پوری برادری سمیت محمد میاںسومرو کی حمایت کا اعلان کردیا

جمعہ 22 جون 2018 22:39

جیکب آباد(اُردو پوائنٹ اخبارتازہ ترین - آئی این پی۔ 22 جون2018ء) جیکب آبادمیں پی پی کی ایک اوروکٹ گرگئی سابق جنرل سیکریٹری نے اپنی پوری برادری سمیت پورے ضلع میں پی ٹی آئی کے محمد میاںسومرو کے پینل کی حمایت کا اعلان کردیا تفصیلات کے مطابق جیکب آبادمیں انتخابی مہم زوروشورسے جاری ہے جیکب آبادمیں مزید پی پی کی ایک اوروکٹ پی ٹی آئی نے اڑادی ہے پیپلزپارٹی کے سابق ضلع جنرل سیکریٹری حاجی عبدالستار بروہی نے اپنی برادری سمیت پورے ضلع میں پاکستان تحریک انصاف کے پینل کی حمایت کا اعلان کیا اس موقع پرمقامی ہوٹل میں منعقدہ تقریب میں پی ٹی آئی کے این اے 196پر نامزد امیدوار محمد میاں سومرو،جیکب آباد پی ایس ون کے امیدوار اسلم ابڑو، پی ایس تھری کے سردار سخی عبدالرزاق کھوسو ،میر نثار خان کھوسوسمیت چیمبر آف کامرس کے احمدعلی بروہی،ثناء اللہ بروہی، گل شیر بروہی ،پروفیسر شان محمد بروہی ،سردار سجاد بلیدی،انورسومرواوربروہی برادری کی بڑی تعداد موجودتھی بروہی برادری نے پی ٹی آئی امیدوارو ں کے ہمراہ ہاتھ بلندکرکے ایک دوسرے کے ساتھ یکجہتی کااظہارکیا ۔