نگران وزیراعلیٰ خیبرپختونخواجسٹس (ر) دوست محمد خان کی زیر صدارت اجلاس
ٹیکنالوجی کی بیرون ملک منتقلی اور برآمدات کی استعداد بڑھانے کیلئے واضح پالیسی تشکیل دینے کی ضرورت ہے، دوست محمد خان اگر ہم نے ریاست کو چلانا ہے تو دلیرانہ فیصلے کرنا ہوں گے، سیاسی تبادلوں و تعیناتیوں کا مستقل طور پر تدار ک کرنے کیلئے متعلقہ قانون / رولز میں ترمیم ناگزیر ہے، نگران وزیر اعلی کا اجلاس سے خطاب شعبہ توانائی میں منصوبوں کیلئے اوپن ٹینڈر کے ذریعے بین الاقوامی معیار کے دیر پا آلات کا حصول یقینی بنانے کی ہدایت
جمعہ 22 جون 2018 23:15
(جاری ہے)
انہوںنے صوبے میں ترقیاتی منصوبوں کی تعمیر کیلئے ممکنہ حد تک کم سے کم ٹائم لائن کا تعین کرنے کی ضرورت پر بھی زور دیا تاکہ عوامی مفاد کے منصوبوں کی مجوزہ لاگت کے اندر بروقت تکمیل ممکن ہوسکے ۔
وہ وزیراعلیٰ سیکرٹریٹ پشاور میں ایشیائی ترقیاتی بینک کی مالی معاونت سے مختلف ترقیاتی منصوبوں کے حوالے سے اجلاس کی صدارت کر رہے تھے جس میںایشیائی ترقیاتی بینک کی طرف سے فراہم کردہ مالی معاونت کی تفصیلات اور منصوبوں پر پیشرفت کا جائزہ لیا گیا ۔ نگران صوبائی وزراء عبد الروف خان خٹک، ظفر اقبال بنگش اور ڈاکٹر سارہ صفدر، متعلقہ محکموں کے انتظامی سیکرٹریز اور دیگر اعلیٰ حکام نے اجلاس میں شرکت کی ۔ وزیراعلیٰ کو ایشیائی ترقیاتی بینک کی مالی معاونت سے شعبہ ہائے توانائی ، ٹرانسپورٹ ، واٹر اور روڈز میں زیر تعمیر اور مجوزہ منصوبوںپر بریفینگ دی گئی ۔ نگران وزیراعلیٰ نے شعبہ توانائی میں منصوبوں کیلئے اوپن ٹینڈر کے ذریعے بین الاقوامی معیار کے دیر پا آلات کا حصول یقینی بنانے کی ہدایت کی ۔ انہوں نے کہا کہ ہم ترقیاتی منصوبوں کے لئے کنسلٹنٹس اور آلات کے سلسلے میں دیگر ممالک پر انحصار کرتے ہیں جو بہت مہنگا پڑتا ہے ۔ اس مسئلے کے مستقل حل کیلئے ٹیکنالوجی کی درون ملک منتقلی ناگزیر ہوچکی ہے ۔ ہم کب تک چھوٹے چھوٹے آلات بھی دوسروں سے خریدتے رہیں گے ۔ ہمارے پاس اپنے ماہرین ہونے چاہئیں ۔ ریسرچ اور ریسورس سنٹر ہونا چاہیئے ۔ انہوںنے اس سلسلے میں پالیسی کی تشکیل کو ناگزیر قرار دیتے ہوئے فوری پلان وضع کرنے اور اس سلسلے میں کابینہ کے اجلاس میں حتمی فیصلہ کرنے کا عندیہ دیا ہے تاکہ آئندہ حکومت کیلئے مددگار ثابت ہو سکے ۔ انہوںنے کہاکہ اگر ہمارے پاس ٹیکنالوجی ہو تو ہم اپنی مصنوعات دوسرے ملکوں کو برآمد کرسکتے ہیں جس سے فارن ایکسچینج کی استعداد میں بھی اضافہ ہو گا۔ انہوںنے واضح کیا کہ صوبائی حکومت اس سلسلے میں بوقت ضرورت وفاقی حکومت کو بھی تجویز دے سکتی ہے تاہم اب ہمیں جاگنا ہو گا اور بحیثیت قوم ذمہ داری کا مظاہرہ کرتے ہوئے آئندہ نسلوں کا راستہ ہموار کرنا ہو گا۔ ہماری بدقسمتی ہے کہ ہم مسلسل تنزلی کی طرف جارہے ہیں۔ اگر ہم نے ریاست کو چلانا ہے تو دلیرانہ فیصلے کرنا ہوں گے ۔ دوست محمد خان نے مہنگائی کی بڑھتی ہوئی شرح خصوصاً شدید ضرورت کے وقت بعض اشیائے ضروریہ کے مارکیٹ میں عدم دستیابی کے مسائل کے تناظر میں مارکیٹ ڈیمانڈ اور سپلائی کا سروے کرنے اور اس سلسلے میں ماہرین پر مشتمل سروے ٹیم تشکیل دینے کی ہدایت کی ۔ انہوںنے زیر کاشت (بارانی و نہری ) اورقابل کاشت اراضی کا سروے کرنے کی بھی ہدایت کی تاکہ قابل کاشت اراضی کو زرعی مقاصد کیلئے استعمال میں لایا جائے اور پیداوار میں اضافہ کیا جا سکے ۔ انہوںنے مارکیٹ ڈیمانڈز سے زائد پیداوار کی سٹوریج کیلئے دیر پا طریقہ کار کی ضرورت پر بھی زور دیا ۔ اجلاس میں زیر تعمیر بس ریپڈ ٹرانزٹ پر اجیکٹ کی بروقت تکمیل کی بھی ہدایت کی گئی ۔ دوست محمد خان نے سیاسی بنیادوں پر تبادلوں اور تعیناتیوں کو خدمات کی انجام دہی میں رکاوٹ قرار دیتے ہوئے ہدایت کی کہ سیاسی تبادلوں و تعیناتیوں کا مستقل طور پر تدار ک کرنے کیلئے متعلقہ قانون / رولز میں ترمیم کو ناگزیر قرار دیا۔مزید اہم خبریں
-
مشرق وسطیٰ میں کشیدگی، تیل کی قیمتوں میں اضافہ
-
پاکستان میں مریضوں کے لیے ویزا فری انٹری، افغان باشندے خوش
-
لانڈھی میں غیر ملکیوں کی گاڑی پر خودکش حملے میں استعمال ہونے والی موٹرسائیکل کی تفصیلات سامنے آگئیں
-
خودکش حملے میں دہشت گرد کو مارنے والے پولیس اہلکار کا بیان سامنے آگیا
-
عالمی ٹیکنالوجی کمپنی ”میٹا “ پاکستان اور بھارت سمیت متعدد ممالک میں واٹس ایپ پر اے آئی چیٹ بوٹس متعارف کروادیا
-
عالمی رہنماؤں کا اسرائیل اور ایران سے تحمل کا مطالبہ
-
قدرتی طور پر خطے کی صورت حال پر تشویش ہے‘ایرانی صدر کے استقبال کے منتظرہیں. پاکستان
-
اٹلی کے وزیر خارجہ انتونیو تاجانی کی ایران کے شہراصفہان پراسرائیلی حملے کی تصدیق
-
اسرائیل کے خلاف آپریشن نے ہماری اتھارٹی، ہمارے عوام کی فولاد جیسی قوت ارادی اور ہمارے اتحاد کو ظاہر کیا ہے .ایرانی صدر
-
پاکستان میں غیرملکی سرمایہ کاری دہشت گردوں کے نشانے پر
-
سعودی وزیر خارجہ کے دورہ اسلام آباد کا مقصد دو طرفہ اقتصادی تعاون کو بڑھانے پر بات چیت کو تیز کرنا تھا، ترجمان دفترخارجہ
-
6 سال بعد پہلی بارپاکستان میں 2023 کے دوران موبائل فون صارفین کی تعداد میں 37 لاکھ کی ریکارڈ کمی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.