برادری کے اتحاد و اتفاق کو توڑنے کی سازشیں کرنے والوں کو اپنی کوششوں میں کامیاب نہیں ہونے دینگے

مظفرآباد(اُردو پوائنٹ اخبارتازہ ترین - آئی این پی۔ 23 جون2018ء) برادری کے اتحاد و اتفاق کو توڑنے کی سازشیں کرنے والوں کو اپنی کوششوں میں کامیاب نہیں ہونے دینگے ۔ برادری کے سرکردہ شخصیات پر مشتمل جرگہ پر حملہ کرکے صلح صفائی کی کوششوں کو ناکام بنانے کی سازش کی گئی ۔ زخمی بھی ہم ہوئے اور تین دن بعد من گھڑت پرچہ بھی ہمارے خلاف کروادیا ۔ تھانہ پولیس گڑھی دوپٹہ پر اعتماد ہے ۔

برادری میں اتحادو اتفاق کی کوششیں آئندہ بھی جاری رکھیں گے ۔ انسپکٹر جنرل پولیس ہمیں من گھڑت مقدمہ میں ملوث کرنے کا نوٹس لیں ۔ ان خیالات کا اظہار نمبردار محمد اقبال اعوان ، ملک صفدر علی اعوان ، عاصم سلیم اعوان ، ٹھیکیدار محمد نذیر اعوان ، ٹھیکیدار محمد سرفراز اعوان ، محمد منظور اعوان ،اور دیگر نے مرکزی ایوان صحافت میں صحافیوں سے گفتگو کرتے ہوئے کیا۔

(جاری ہے)

انہوں نے بتایا کہ ہم برادری کے نامزد جرگہ دار ہیں ۔ ہمیں پوری برادری کا اعتماد حاصل ہے ۔ رشید اعوان عادی نشے باز ہے اور کسے کے کہنے پر آکر وہ برادری میں پھوٹ ڈالنے کی سازش کا مرتکب ہے ۔ ہم ہر وقت صلح صفائی کیلئے تیار ہیں ۔ زخمی ہونے کے باوجود مصالحت کی جانب گامزن رہیں گے ۔ انہوں نے کہا کہ تین دن بعد ایف آئی آر میں نامزد خاتون کے حق میں ہمارے خلاف جھوٹہ پرچہ کروانے والے عناصر کو بے نقاب کیا جائے ۔ اگر خاتون زخمی ہوئی تھی تو اس کا میڈیکل کہاں ہے ۔ انہوں نے کہا کہ ہمارا کام جوڑنا ہے توڑنا نہیں ۔ برادری کے اتحاد و اتفاق پر آنچ نہیں آنے دینگے ۔