پارٹی صدر لطیف اکبر کی قیادت میں پیپلزپارٹی کی انتخابی مہم پوری قوت سے چلائیں گے

پیپلزپارٹی آزادکشمیر ڈویژن مظفرآباد کے سابق سیکرٹری جنرل سابق چیئرمین ترقیاتی ادارہ اسد حبیب اعوان کا بیان

ہفتہ 23 جون 2018 17:13

مظفرآباد(اُردو پوائنٹ اخبارتازہ ترین - آئی این پی۔ 23 جون2018ء) پاکستان پیپلزپارٹی آزادکشمیر ڈویژن مظفرآباد کے سابق سیکرٹری جنرل سابق چیئرمین ترقیاتی ادارہ اسد حبیب اعوان نے کہا ہے کہ پارٹی صدر لطیف اکبر کی قیادت میں پیپلزپارٹی کی انتخابی مہم پوری قوت سے چلائیں گے جنرل مشرف کا واجپائی کی لاہور آمد پر بطور وزیر اعظم نواز شریف کا کشمیر کاذکر نہ کرنے اور سردخانے میں ڈالنے کا انکشاف ثابت کرتا ہے نوازشریف تحریک آزادی ختم کرکے کشمیربھارت کے حوالے کرنا چاہتا تھا مشرف کے نواز شریف دور میں پاکستان سے پانچ ارب ڈالر بھارت منتقل کرنے جیسے انکشافات قوم وملت کشمیریوں کیلئے نوشہ دیوار ہیں اسد حبیب اعوان نے اپنے بیان میں کہا کہ عمران خان کو سب غیر سنجیدہ شخص قرار دے چکے ہیں ایک تحریک انصاف بے انصافیوں کے بھنور میں پھنس چکی ہے جسکا تاریک مستقبل سب کو نظرآرہا ہے ملک کی حقیقی نوجوان قیادت بلاول بھٹو ہیں جنکی قیادت میں عوامی راج واپس آئے گا۔