لاہور سے قومی اسمبلی کے اہم حلقوں پر (ن)لیگ کے امیدوار فائنل، ایم این اے کی نشست پر ایک نیا نام شامل

این اے 123 سے ملک ریاض، این اے 124 سے حمزہ شہباز، این اے 125 سے ملک پرویز، این اے 126 سے مہر اشتیاق اور این اے 127 سے مریم نواز امیدوار ہوں گی، این اے 128 پر روحیل اصغر، این اے 129 پر سہیل شوکت بٹ، این اے 130 پر خواجہ احمد حسان اور این اے 131 پر خواجہ سعد رفیق الیکشن لڑیں گے

ہفتہ جون 17:36

لاہور(اُردو پوائنٹ اخبارتازہ ترین۔ 23 جون2018ء) پاکستان مسلم لیگ (ن)نے لاہور میں قومی اسمبلی کے 14 حلقوں کے لیے اپنے امیدواروں کو حتمی شکل دے دی،۔ این اے 123 سے ملک ریاض،، این اے 124 سے حمزہ شہباز،، این اے 125 سے ملک پرویز، این اے 126 سے مہر اشتیاق اور این اے 127 سے مریم نواز امیدوار ہوں گی۔ این اے 128 پر روحیل اصغر، این اے 129 پر سہیل شوکت بٹ، این اے 130 پر خواجہ احمد حسان اور این اے 131 پر خواجہ سعد رفیق الیکشن لڑیں گے۔

تفصیلات کے مطابق (ن)لیگ نے لاہور کی اہم نشستوں پر اپنے امیدواروں کے ناموں کو حتمی شکل دے دی جن میں ایم این اے کی ایک نشست پر نیا نام شامل کیاگیا ہے جب کہ سابقہ ایم این ایز کے حلقوں میں کچھ تبدیلی کی گئی۔ این اے 123 سے ملک ریاض،، این اے 124 سے حمزہ شہباز،، این اے 125 سے ملک پرویز، این اے 126 سے مہر اشتیاق اور این اے 127 سے مریم نواز امیدوار ہوں گی۔

(جاری ہے)

این اے 128 پر روحیل اصغر، این اے 129 پر سہیل شوکت بٹ، این اے 130 پر خواجہ احمد حسان اور این اے 131 پر خواجہ سعد رفیق الیکشن لڑیں گے۔اس کے علاوہ این اے 132 سے شہبازشریف اور این اے 133 سے اسپیکر قومی اسمبلی ایاز صادق میدان میں اتریں گے جب کہ این اے 134 سے رانا مبشر، این اے 135 سے سیف الملوک کھوکھر اور این اے 136 سے افضل کھوکھر الیکشن لڑیں گے۔ این اے 133 میں زعیم قادری کی ناراضی کے بعد این اے 125 پر بھی تنازع سامنے آگیا ہے اور بلال یاسین نے اس نشست پر الیکشن لڑنے کی خواہش ظاہر کی ہے۔

بلال یاسین نے کہا ہے کہ این اے 125 پر مریم نواز کے نہ آنے پر میرا حق ہے، مریم نواز این اے 125 میں ہوتیں تو پھر پی پی150 میں جاتا لیکن لندن جانے سے پہلے نواز شریف اور مریم نواز سے میری بات طے ہوچکی تھی۔مسلم لیگ (ن)کی قیادت این اے 125 میں پرویز ملک کو ٹکٹ دینا چاہتی ہے لیکن حلقہ این اے 125 سے پرویز ملک بھی امیدوار ہیں اور وہ صوبائی حلقے پی پی 150 پر بھی بلال یاسین کے ساتھ الیکشن کے لیے تیار نہیں۔