گورنر سندھ نے جنگ ایجوکیشن ایکسپو کا افتتاح کردیا

مختلف اسٹالز کا معائنہ، تعلیم کسی بھی معاشرے کی ترقی کی پہلی سیڑھی ہوتی ہے،محمد زبیر

ہفتہ 23 جون 2018 19:05

گورنر سندھ نے جنگ ایجوکیشن ایکسپو کا افتتاح کردیا

کراچی (اُردو پوائنٹ اخبارتازہ ترین - این این آئی۔ 23 جون2018ء) گورنرسندھ محمد زبیر نے ہفتہ کو ایکسپو سینٹر میں ایجوکیشن ایکسپو کا افتتاح کیا۔ گورنر سندھ مختلف تعلیمی اداروں کے اسٹالز پر گئے اور ان اداروں کی کارکردگی کے بارے میں دریافت کیا۔ گورنر سندھ نے اس موقع پر میڈیا سے گفتگو کرتے ہوئے کہا کہ تعلیم کسی بھی معاشرے کی ترقی کی پہلی سیڑھی ہوتی ہے کیونکہ تعلیم کے بغیر ترقی و خوشحالی کا تصور بھی نہیں کیا جاسکتا ۔

(جاری ہے)

گورنر سندھ مزید کہا کہ خصوصاً اعلیٰ تعلیم اور تحقیق ترقی کے لئے ناگزیر اہمیت کی حامل ہوتی ہیں، انہوں نے کہا کہ اس تعلیمی نمائش کا انعقاد نہایت خوش آئند ہے ضرورت اس امر کی ہے کہ اسے مزید بڑے پیمانے پر منعقد کیا جائے تاکہ اساتذہ ، طالب علموں ، جامعات اور دیگر تعلیمی اداروں کے درمیان رابطہ کو مزید بڑھایا جاسکے۔ انہوں نے کہا کہ تعلیمی ادارے تحقیق چر خصوصی توجہ مرکوز کریں کیونکہ تحقیق ہی اقوام عالم میں آگے بڑھنے کا سب سے موثر ذریعہ ہے انہوں نے کہا کہ مغربی ممالک کی ترقی کے پیچھے تحقیقی سرگرمیوں کا بہت بڑا ہاتھ ہے۔