اسلحہ لائسنس کی تجدید اور کمپیوٹرائزیشن کا آخری موقع او ر31 دسمبر تک آخری توسیع ، اعلامیہ

ہفتہ 23 جون 2018 21:52

کراچی(اُردو پوائنٹ اخبارتازہ ترین - آئی این پی۔ 23 جون2018ء) سیکریٹری داخلہ حکومت سندھ نے ایک اعلامیہ میں کہا ہے کہ اسلحہ لائسنس کی تجدید اور کمپیوٹرائزیشن کی تاریخ میں 31 دسمبر 2018 تک توسیع کردی گئی ہے۔اپنا مینوئل آرمز لائسنس کمپیوٹرائزڈ کرانے کے لئے متعلقہ ڈی سی آفس یا ہوم ڈپارٹمینٹ گورنمنٹ آف سندھ سے 31 دسمبر 2018 سے پہلے پہلے رجوع کریں۔

(جاری ہے)

انہوں نے وارننگ دیتے ہوئے کہا کہ 31 دسمبر 2018 تک مینوئل آرمز لائسنس رجسٹرڈ نہ کرانے کی صورت میں مینوئل آرمز لائسنس منسوخ کیے جائیں گے اور اس پر درج اسلحہ ضبط کیا جائے گا اور ایسے لائسنس ہولڈرز کے خلاف قانونی کارروائی کی جائے گی۔یہ واضح کیا گیا ہے کہ اور مینوئل آرمز لائسنس کی تجدید اور کمپیوٹرائزیشن کی تاریخ میں یہ آخری توسیع ہے، اس کے بعد کوئی توسیع نہیں کی جائے گی۔