پاکستان اورقازقستان کے درمیان ڈیزاسٹر مینجمنٹ کے حوالہ سے دوطرفہ معاہدہ پر دستخط

اسلام آباد (اُردو پوائنٹ اخبارتازہ ترین - آن لائن۔ 23 جون2018ء) پاکستان اور قازقستان کے مابین ڈیزاسٹر مینجمنٹ کے شعبہ میں دو طرفہ تعاون کے معاہدہ پر دستخط کیے گئے۔ چھٹی آر ٹی جی( ہارت اف ایشیائ ۔ استنبول پراسس ) اجلاس کی دوران چئیرمین این ڈی ایم لیفٹیننٹ جنرل عمر محمود حیات اور قازکستان کے ڈیپٹی چئیرمین منسٹری آف ایمر جنسی مینجمنٹ نرماٹا بیٹوو تالگٹ کی طرف سے دوطرفہ معاہدہ کی یاداشت پر دستخط کیے گئے۔

(جاری ہے)

اس معاہدہ کے تحت دونوں ممالک کے درمیان ڈیزاسٹر اور ایمرجنسی مینجمنٹ کے شعبہ جات میں دو طرفہ تعاون کو فروغ دیا جائے گا جس میں ایمرجنسی معلومات ، سائنسی تحقیق اور تجربات کے تبادلہ کے علاوہ مشترکہ ایمرجنسی مشقوں ، اور پروفیشنل ٹرینگ کا انعقادبھی شامل ہو گا۔ اس موقع پر بات چیت کرتے ہوئے چئیرمین این ڈی ایم اے لیفٹیننٹ جنرل عمر محمود حیات نے اس معاہدہ کو دوطرفہ تعاون بڑھانے کی طرف ایک اہم سنگ میل قرار دیتے ہوئے کہا کہ اس سے دونوں ممالک کے قدرتی و انسان ساختہ آفات سے نمٹنے کیلئے صلاحیتوں کو بڑھانے میں مدد حاصل ہو گی۔ طرفین نے باہمی تعاون کو فروغ دینے اور ایک دوسرے کے تجربات سے استعفادہ حاصل کرنے پر اتفاق کیا۔۔