ساہیوال ،ْڈاکوئوں نے قصاب سے ایک لاکھ 60ہزار رو پے کی نقدی لوٹ لی

اتوار جون 15:40

ساہیوال(اُردو پوائنٹ اخبارتازہ ترین۔ 24 جون2018ء) نواحی چک 89/6Rمیں ڈاکوئوں نے ایک قصاب راشد بشیر سے ایک لاکھ 60ہزار رو پے کی نقدی لوٹ لی۔۔پولیس غلہ منڈی نے حسیب ٹائون میں چھا پہ مار کر چار ڈاکوئوں کا گروہ گرفتار کر لیا ۔چک 89/6Rمیں راشد بشیر قصاب اپنی دوکان پر بیٹھا گوشت فروخت کر رہا تھا کہ مو ٹر سائیکل پر سوار دو ڈاکو آگئے اور راشد بشیر کی کنپٹی پر پسٹل رکھ کر نقدی ایک لاکھ 60ہزار روپے اور موبائل چھین کر فائرنگ کر تے ہوئے فرار ہو گئے ۔

(جاری ہے)

موڑ حسیب ٹائون ساہیوال عارف والا روڈ پر چار ڈاکوایک مسافر بس کو لوٹنے کیلئے بس میںسوار ہونے نکلے تو اس دوران پولیس غلہ منڈی کی گشت پر گاڑی آگئی اور چیکنگ کے دوران چاروں ڈاکوئوں وسیم اختر ،خلیل احمد،جا وید اختر اور بشیرا حمد کو گرفتار کر لیا اور ڈاکوئوں کے قبضہ سے چار پسٹل 30بور 33گولیاں بر آمد کر لیں ۔۔پولیس فرید ٹائون نے 397,392ت پ اور تھانہ غلہ منڈی نے 402,399ت پ اور اسلحہ ایکٹ کے تحت چھ مقدمات درج کر کے تفتیش شروع کر دی ہے ۔۔پولیس فرید ٹائون ابھی تک ڈاکوئوں کا سراغ نہیں لگا سکی۔