شاہ محمود قریشی کی رہائشگاہ کے باہر تحریک انصاف کی خواتین آپس میں جھگڑ پڑیں ،ْتشدد کے باعث کارکن بے ہوش

اتوار جون 20:40

ملتان(اُردو پوائنٹ اخبارتازہ ترین۔ 24 جون2018ء) پاکستان تحریک انصاف کے وائس چیئر مین شاہ محمود قریشی کی رہائشگاہ کے باہر تحریک انصاف کی خواتین آپس میں جھگڑ پڑیں۔ تشدد کے باعث خاتون رکن بے ہوش ہوگئیں۔

(جاری ہے)

ٹکٹوں کی تقسیم کے حوالے سے تحریک انصاف کے رہنما شاہ محمود قریشی کی رہائشگاہ کے باہر خواتین کا احتجاج جاری تھا کہ اسی دوران اچانک پی ٹی آئی کی خواتین کے دو گروپ آپس میں الجھ پڑے۔ خواتین نے ایک دوسرے پر تھپڑوں، مکوں اور لاٹھیوں کا بے دریغ استعمال کیا۔جھگڑے کے دوران لاٹھی لگنے سے ایک خاتون کا سر پھٹ گیا جبکہ نبیلہ بٹ نامی خاتون بے ہوش ہوگئیں ،ْدوسری جانب مظاہرین کا الزام ہے کہ شاہ محمود قریشی نے چہیتوں کو ٹکٹ دیا ہے۔