تحریک انصاف ملک میں برابری کی نظام کے لیے جدوجہد کررہی ہے ، تاج محمد رند

اتوار 24 جون 2018 21:00

خالق آبادمنگچر(اُردو پوائنٹ اخبارتازہ ترین - آئی این پی۔ 24 جون2018ء) پاکستان تحریک انصاف ملک میں برابری کی نظام کے لیے جدوجہد کررہی ہے اگرعوام نے تحریک انصاف کو مینڈیٹ دی توملک میں تبدیلی یقینی ہے 25جولائی کوعوام اپنے قیمتی ووٹ تحریک انصاف کے نشان بلا پرثبت کرکے اس تبدیلی میں شامل ہوجائیں ان خیالات کااظہار پاکستان تحریک انصاف کے مرکزی کمیٹی کے رکن میرتاج محمدرند نے خالق آبادمنگچرپریس کلب کے صحافیوں سے بات چیت کرتے ہوئے کیاانہوں نے کہاکہ پی ٹی آئی پورے ملک سے اپنے امیدوارکھڑے کیے ہیں اورمیدان کسی کے لیے خالی نہیں چھوڑے ہیں اس لیے عوام تبدیلی اس سفرکو منزل تک پہنچانے میں ووٹ کی پرچی کابہتراستعمال کریں جاگیرداری سیاست، قوم ، مذہب کے نام پر سیاست کرنے والوں ووٹ کی پرچی سے ہی دوررکھا جاسکتا ہے انہوںنے کہاکہ قائد تحریک عمران خان ایک سوچ اورفلسفے کانام ہے وہ ملک وقوم کے ترقی اورخوش حالی کے لیے سیاسی میدان میں برسرپیکارہے بلوچستان میں پی ٹی آئی سرداریارمحمدرند کے قیادت میں فعال ہیں اوریہ الیکشن ثابت کرے گی کہ بلوچستان پی ٹی آئی کادوسرابڑاگڑھ ہے 25جولائی کادن پی ٹی آئی کے لیے خوش خبری کادن ہوگا