لیویز فورس کی پشین میں کاروائی،اسلحہ کے زور پر گاڑیاں روک کر ڈرائیوروں سے زبردستی بھتہ لینے اور گاڑیاں چھیننے والا گروہ کو گرفتار کرکے اسلحہ برآمد کرلیا

پشین(اُردو پوائنٹ اخبارتازہ ترین - آئی این پی۔ 24 جون2018ء) ڈپٹی کمشنر اورنگزیب بادینی کی خصوصی ہدایت پرلیویز نے کارروائی کرتے ہوئے اسلحہ کے زور پر گاڑیاں روک کر ڈرائیوروں سے زبردستی بھتہ لینے اور گاڑیاں چھیننے والا گروہ کو گرفتار کرکے اسلحہ برآمد کرلیا گیا اسسٹنٹ کمشنر ممتاز کھیتران نے ملزمان کی گرفتار ی سے متعلق تفصیلات بتاتے ہوئے کہا کہ یارو قومی شاہراہ پر گزشتہ کئی دنوں سے اسلحے کے زور پر ڈرائیوروں سے بھتہ اور گاڑیاں چھیننی جارہی تھی اطلاع ملی کہ گرفتار ملزمان نے فائرنگ کرکے ایک شخص سے گاڑی چھین کر فرار ہوئے جس پر لیویز فورس نے بروقت کارروائی کرتے ہوئے یارو کے ایک مکان پر چھاپہ مار کر چار ملزمان صورت خان، عبدالحمید ،حبیب الرحمان اور منیر احمد کو اسلحے سمیت گرفتار کرکے مسروقہ گاڑی برآمد کرلی اور مقدمہ درج کرلیا گیا برآمد شدہ اسلحے میں دو عدد ٹی ٹی پستول سترہ راونڈز شامل ہیں اس موقع پر اسسٹنٹ کمشنر نے مزید کہا کہ ڈپٹی کمشنر کی واضح ہدایت ہے کہ قیام امن کو ہر حال میں برقرار رکھا جائے ضلع پشین کے پرامن ماحول کو کسی صورت خراب نہیں ہونے دینگے سماج دشمن عناصر جہاں بھی ہو انکے خلاف کارروائی ہماری اولین ترجیح ہوگی جبکہ ڈپٹی کمشنر اورنگزیب بادینی نے لیویز کی اس عوام دوست اقدام کو سراہاتے ہوئے کہا کہ قانون سے کوئی بالاتر نہیں عوام کو تحفظ دینا ہماری ذمہ داری ہے پشین ایک باشعور ضلع ہے جس کے امن کو مزید بہتر بنانے کا تہیہ کررکھا ہے۔