ن لیگ کو عام انتخابات میں بڑا دھچکا لگنے کا امکان

کلثوم نواز کی بیماری کے بعد نواز شریف نے بھی اعلان کردیا

پیر جون 00:10

ن لیگ کو عام انتخابات میں بڑا دھچکا لگنے کا امکان
لندن (اُردو پوائنٹ اخبارتازہ ترین۔ 25 جون2018ء) پاکستان مسلم لیگ (ن) کے قائد میاں نواز شریف نے کہا ہے کہ اہلیہ کی بیماری کے سبب انتخابی مہم میں حصہ لیناممکن نہیں ہے ، بیگم کلثوم نواز کو انفیکشن ہو گیا ، جو پروپیگنڈہ کر رہے ہیں وہ جانیں اور ان کا کام جانے ، میں اہلیہ سے متعلق اپنا فرض ادا کرنے کی کوشش کررہا ہوں ۔

(جاری ہے)

اتوار کو میڈیا سے گفتگو کرتے ہوئے نواز شریف نے کہا کہ خدا کلثوم نواز کو صحت دے اور ہمیں اس مشکل گھڑی سے نکالے ۔

بیگم کلثوم نواز کو انفیکشن ہو گیا ہے جس کے سبب الیکشن مہم میں حصہ لینا ممکن نہیں ہے ۔ جو پروپیگنڈا کر رہے ہیں وہ جانیں اور ان کا کام جانے ۔ اہلیہ کس حالت میں ہیں آپ لوگ اچھی طرح جانتے ہیں ۔ اہلیہ سے متعلق اپنا فرض ادا کرنے کی کوشش کر رہا ہوں ۔ اہلیہ ابھی ہوش میں نہیں آئیں وہ مشینی سپورٹ پر چل رہی ہیں ۔ نواز شریف نے برطانوی اخبار میں 21 پراپرٹیز کی خبر سے متعلق سوال پر جواب دینے سے گریز کیا۔