حکومت پنجاب نے سبزیوں کے بعد ازبرداشت نقصانات کے خاتمہ کیلئے ضلع سطح پر پراسیسنگ یونٹس لگانے کی منظوری دیدی

پیر 25 جون 2018 14:13

فیصل آباد۔25 جون(اُردو پوائنٹ اخبارتازہ ترین - اے پی پی۔ 25 جون2018ء) حکومت پنجاب نے سبزیوں کے بعد ازبرداشت نقصانات کے خاتمہ کیلئے صوبہ بھر میں ہرضلع کی سطح پر پراسیسنگ یونٹس لگانے کی منظوری دیدی ہے، منصوبہ پر کروڑوں روپے لاگت آئے گی۔

(جاری ہے)

فروٹ اینڈ ویجیٹیبل پراجیکٹ پنجاب کے ذرائع نے بتایاکہ حکومت پنجاب نے فروٹ اینڈ ویجیٹیبل پراجیکٹ کے تحت فیصل آباد ڈویژن کے بعض اضلاع سمیت صوبہ کے 24 اضلاع میں کچن گارڈننگ پروگرام کے تحت ایک ہزار سے زائد نمائشی پلاٹ لگائے جائیں گے نیز یونین کونسلز کی سطح پر بھی 3ہزار نمائشی پلاٹس لگانے کی منظوری د ی گئی ہے۔

انہوںنے بتایاکہ پنجاب حکومت نے 5اہم سبزیوں ٹماٹر، پیاز، مرچ ، لہسن ،آلو کی پیداوار میں اضافہ کیلئے 3سالہ پراجیکٹ شروع کرنے کی بھی ہدایت کی ہے جس کے باعث اب یہ سبزیاں عوام الناس کو سارا سال مناسب قیمت پردستیاب رہیں گی۔ انہوںنے بتایاکہ ضلعی سطح پر پراسیسنگ یونٹس لگانے سے سبزیوں کی بڑی پیداوار کو تباہ وبرباد ہونے سے بچایاجاسکے گا جس سے جہاں کاشتکاروں کو مالی نقصان سے بچانا ممکن ہوگا وہیں مذکورہ سبزیاں بھی استعمال میں لائی جاسکیں گی۔