انڈونیشیا، سماٹرا جھیل حادثہ،

192افراد تاحال لاپتہ، تلاش جاری

پیر 25 جون 2018 15:09

جکارتہ(اُردو پوائنٹ اخبارتازہ ترین - آئی این پی۔ 25 جون2018ء) انڈونیشیا کی سماٹرا جھیل میں کشتی حادثے میں192افراد تاحال لاپتہ افرادس کی تلاش جاری ہے۔غیر ملکی میڈیا کے مطابق انڈونیشیا کے جزیرے سماٹرا کی جھیل ٹوبا میں کشتی کے حادثے میں لاپتہ 192 افراد کی تلاش جاری ہے۔

(جاری ہے)

لوگ اپنے پیاروں کے بارے میں جاننے کیلئے جھیل کنارے پہروں انتظار کررہے ہیں۔ کشتی ڈوبنے کا واقعہ 6 روز قبل خراب موسم کے باعث پیش آیا تھا۔ڈوبنے والی کشتی پر سوار 18 افراد کو بچا لیا گیا جبکہ 4 افراد کی لاشیں تلاش کر لی گئی ہیں۔حکام کے مطابق کشتی پر 200 سے زائد لوگ سوار تھے اور 192 تاحال لاپتہ ہیں جنکی تلاش جاری ہے۔جس مقام پر کشتی ڈوبی اسکی گہرائی 450میٹر کے لگ بھگ ہے۔