بنگلہ دیشی کرکٹ ٹیم (کل) دو روزہ ٹور میچ سے دورہ ویسٹ انڈیز کا آغاز کرے گی

پیر 25 جون 2018 15:40

کنگسٹن ۔ (اُردو پوائنٹ اخبارتازہ ترین - اے پی پی۔ 25 جون2018ء) بنگلہ دیشی کرکٹ ٹیم (کل) بدھ کو دو روزہ ٹور میچ سے دورہ ویسٹ انڈیز کا آغاز کرے گی۔ بنگلہ دیشی ٹیمدورے کے دوران میزبان ویسٹ انڈین ٹیم کے خلاف دو ٹیسٹ، تین ایک روزہ اور تین ٹی ٹونٹی میچوں کی سیریز کھیلے گی۔

(جاری ہے)

دونوں ٹیموں کے درمیان پہلا ٹیسٹ 4 سے 8 جولائی تک نارتھ سائونڈ جبکہ دوسرا اور آخری ٹیسٹ 12 سے 16 جولائی تک کنگسٹن میں کھیلا جائے گا، اس کے بعد ون ڈے سیریز سے قبل بنگلہ دیشی ٹیم 19 جولائی کو پریکٹس میچ کھیلے گی، بنگلہ دیش اور ویسٹ انڈیز کے درمیان ون ڈے سیریز کا پہلا میچ 22 جولائی، دوسرا میچ 25 جولائی جبکہ تیسرا اور آخری میچ 28 جولائی کو کھیلا جائے گا، دونوں ٹیموں کے درمیان ٹی ٹونٹی سیریز کا پہلا میچ 31 جولائی، دوسرا میچ 4 اگست جبکہ تیسرا اور آخری میچ 5 اگست کو کھیلا جائے گا۔