نئی ون ڈے رینکنگ ،حسن علی اور بابر اعظم کو بڑی ترقی مل گئی

گرین شرٹس کے لیے بڑی خوشخبری آگئی

پیر جون 16:05

نئی ون ڈے رینکنگ ،حسن علی اور بابر اعظم کو بڑی ترقی مل گئی
لاہور (اردو پوائنٹ تازہ ترین اخبار۔25جون 2018 ء) نئی آئی سی سی ون ڈے رینکنگ میں انگلینڈ کیخلاف حالیہ ون ڈے سیریز میں آسٹریلیا کو شرمناک شکست کا فائدہ پاکستان کو مل گیا ، قومی ٹیم کے نوجوان بلے باز بابر اعظم اور فاسٹ باﺅلر حسن علی کو بھی بڑی ترقی مل گئی ۔ آسٹریلیا کیخلاف سیریز میں 300رنز بنانے والے برطانوی اوپنر جونی بیئر سٹو 4درجے ترقی کرکے 11ویں نمبر پر آئے ہیں ،کینگروز کیخلاف سیریز میں275رنز بنانے والے جوز بٹلر 2درجے ترقی کے ساتھ 16ویں نمبر پر پہنچ گئے ،جیسن روئے نے بھی 3سیڑھیاں پھلانگ کر 20ویں پوزیشن پر آگئے۔

ایلکس ہیلز(23 سے 22) اور کپتان این مورگن(25سے24) ترقی پانے والے دیگر برطانوی بلے باز ہیں،،آسٹریلیا کے ٹریوس ہیڈ انگلینڈ کے خلاف194رنز سکور کرکے 22ویں سے19ویں پوزیشن پر آگئے ہیں۔

(جاری ہے)

آسٹریلیا کیخلاف ون ڈ ے سیریز میں 12،12وکٹیں لینے والے برطانوی سپن باﺅلرز معین علی اور عادل رشید کو نئی رینکنگ میں ترقی ملی ہے ، لیگ سپنر عادل رشید 3درجے ترقی پاکر8ویں پوزیشن پر پہنچے ہیںجب کہ معین علی 13سیڑھیاں چڑھ کر 12ویں نمبر پر آگئے ہیں ۔

دوسر ی طرف انگلینڈ کیخلاف سیریز میں وائٹ واش شکست کے بعد آسٹریلین ٹیم کو 4پوائنٹس کو کٹوتی کا سامنا کرنا پڑا اور اب کینگروز 100پوائنٹس کے ساتھ پاکستان (102) سے نیچے چھٹے نمبر پر آگئے ہیں۔رینکنگ میں انگلینڈ (126)پہلے،،بھارت (122)دوسرے ،جنوبی افریقہ (113)تیسرے،نیوزی لینڈ (112)چوتھے،،بنگلہ دیش (93)ساتویں، سری لنکا((77)آٹھویں،ویسٹ انڈیز(69) نویںاور افغانستان((63) دسویں نمبر پر موجود ہیں۔

بلے بازوں کی رینکنگ میں ویرات کوہلی کا پہلا نمبر ہے جبکہ پاکستان کے بابر اعظم 2درجے ترقی پاکر دوسرے نمبر پر آگئے ہیں ،،آسٹریلیا کے ڈیوڈ وارنر تیسرے، روہت شرماچوتھے،،روس ٹیلر پانچویں ،جوروٹ چھٹے،کوئنٹن ڈی کوک ساتویں،فاف ڈوپلیسی آٹھویں،کین ولیمسن نوویں اور شیکھر دھون دسویں نمبر پر موجود ہیں ۔باﺅلر ز کی رینکنگ میں بھارت کے جسپریت بمراہ کا پہلا نمبر ہے ،،افغانستان کے راشد خان دوسرے نمبر پر ہیں جبکہ پاکستان کے حسن علی ایک درجے ترقی پاکر تیسرے نمبر پر آگئے ہیں، آل راﺅنڈرز کی فہرست میں بنگلہ دیش کے شکیب الحسن کا پہلا نمبر ہے جب کہ پاکستان کے محمد حفیظ دوسرے نمبر پر موجود ہیں ۔