ماضی میں عوام سے کیے گئے تمام وعدوں کو پورا کیا ،صحیح معنوں میں قائد کا پاکستان بنائیں گے ،ْشہبا ز شریف

اس وقت تک چین سے نہیں بیٹھیں گے جب تک پاکستان کو ویلفیئر اسٹیٹ میں نہ بدل دیں،صدر مسلم لیگ(ن)کی مزار قائد پر گفتگو

پیر جون 17:29

ماضی میں عوام سے کیے گئے تمام وعدوں کو پورا کیا ،صحیح معنوں میں قائد ..
کراچی (اُردو پوائنٹ اخبارتازہ ترین۔ 25 جون2018ء) پاکستان مسلم لیگ (ن) کے صدر محمد شہباز شریف نے کہا ہے کہ ماضی میں عوام سے کیے گئے تمام وعدوں کو پورا کیا ہے اور آئندہ بھی انتخابات میں کامیابی حاصل کرکے ملک کو ترقی یافتہ اور خوشحال بنائیں گے ۔ ہم صحیح معنوں میں قائد کا پاکستان بنائیں گے۔ان خیالات کا اظہار انہوںنے پیر کو مزار قائد اعظم محمد علی جناح پر حاضری کے بعد میڈیا سے بات چیت کرتے ہوئے کیا ۔

شہبازشریف نے مزارقائد پر فاتحہ خوانی کی اور مہمانوں کی کتاب میں تاثرات درج کیے۔میڈیا سے گفتگو کرتے ہوئے شہباز شریف نے کہا کہ مسلم لیگ قائداعظم کے افکار اور سوچ کی امین ہے، آج کتاب میں لکھا ہے کہ ہم کسی سے پیچھے نہیں رہیں گے، ہم صحیح معنوں میں قائد کا پاکستان بنائیں گے۔

(جاری ہے)

انہوں نے کہا کہ الیکشن 2018 کی مہم کا آغاز آج کراچی سے کیا ہے ۔

فیڈریشن ہاس میں سوالات و جوابات کا اچھا سلسلہ رہا۔ اس وقت تک چین سے نہیں بیٹھیں گے جب تک پاکستان کو ویلفیئر اسٹیٹ میں نہ بدل دیں ۔1997 میں جب پہلی بار وزیر اعلی بنا ، تو لاہور کو پیرس بنانے کے دعوے پر لوگوں نے میرا مذاق اڑایا ۔: انشا اللہ کراچی کو بھی ایسے ہی پیرس بناؤں گا ۔ وعدہ کررہا ہوں کہ کراچی کو جنوبی ایشیا کا خوبصورت شہر بنائیں گے۔

قبل ازیں سابق وفاقی وزیر خزانہ مفتاح اسماعیل نے اپنی رہائش گاہ پر شہباز شریف کے اعزاز میں ظہرانہ دیا ،جس میں عارف حبیب، حاجی جان محمد، طارق عبداللہ، علی یوسف و دیگر نے شرکت کی ۔اس موقع پر شہبازشریف نے مسلم لیگ (ن)کے معاشی ایجنڈے پر روشنی ڈالی اور اس عزم کا اعادہ کیا کہ برسراقتدار آکر ملک میں تاجر دوست پالیسیاں بنائی جائیں گی اور سرمایہ کاری کے فروغ کے لیے اقدامات کیے جائیں گے ۔