ایم ڈبلیو ایم ملک سے بدامنی غربت اور بے روزگاری کے خاتمے کیلئے کوشاں ہے،شبیرساجدی

پیر 25 جون 2018 18:05

پاراچنار۔ (اُردو پوائنٹ اخبارتازہ ترین - اے پی پی۔ 25 جون2018ء) یم ڈبلیو ایم کے رہنما شبیر ساجدی نے کہا ہے کہ ایم ڈبلیو ایم ملک سے بدامنی غربت اور بے روزگاری کے خاتمے کے لئے کوشاں ہے اور تمام تر مسائل کا حل اتحاد بین المسلمین میں پوشیدہ ہے۔

(جاری ہے)

پاراچنارمیں پریس کانفرنس سے خطاب کرتے ہوئے پاراچنار کے حلقہ این اے 46 سے قومی اسمبلی کے امیدوار شبیر حسین ساجدی نے کہا کہ مجلسِ وحدت المسلمین کے تمام قائدین خصوصا علامہ راجہ ناصر عباس مظلومین کی آواز کو موثر طریقے سے اٹھا رہے ہیں اور عوامی مسائل کے حل کے لئے جان فشانی سے کام کررہے ہیں اپنے انتخابی منشور کا ذکر کرتے ہوئے شبیر ساجدی نے کہا کہ تعمیر ملت پروگرام ہمارے منشور کا حصّہ ہے امن بھائی چارہ تعلیم اور صحت سمیت مختلف شعبوں میں عوامی مسائل کے حل کے لئے اقدامات اٹھائے جارہے ہیں علاقے میں میڈیکل کالج کیڈٹ کالج اور یونیورسٹی ہماری اولین ترجیحات میں شامل ہیں جبکہ خواتین کو بھی قومی دھارے میں شامل کرنا ہمارے منشور کا حصّہ ہے شبیر ساجدی کا کہنا تھا کہ علاقے میں سمال انڈسٹریز کا جال پھیلانا بے روزگاری کا خاتمہ اور سماجی انصاف بھی ان کے بنیادی ترجیحات ہیں شبیر ساجدی نے مزید بتایا کہ ایم ڈبلیو ایم نے تعمیر ملت پروگرام میں خیرالعمل فاؤنڈیشن کی تعاون سے ملک بھر میں مساجد اور طلبہ کیلئے وظائف سمیت مختلف اقدامات کا سلسلہ شروع کردیا ہے