علیم خان کے کاغذات نامزدگی کی منظوری کیخلاف ایاز صادق کی اپیل خارج

پیر جون 18:29

علیم خان کے کاغذات نامزدگی کی منظوری کیخلاف ایاز صادق کی اپیل خارج
لاہور(اُردو پوائنٹ اخبارتازہ ترین۔ 25 جون2018ء) لاہور ہائیکورٹ کے الیکشن ایپلٹ ٹریبونل نے عبدالعلیم خان کے کاغذات کی منظوری کیخلاف ایاز صادق کی اپیل مسترد کردی۔ تفصیلات کے مطابق اسپیکر قومی اسمبلی سردار ایاز صادق مسلم لیگ (ن)کے ٹکٹ پر لاہور سے قومی اسمبلی کے حلقے این اے 129 سے الیکشن لڑیں گے جب کہ ان کے مد مقابل تحریک انصاف نے اپنے صوبائی صدر عبدالعلیم خان کو میدان میں اتارا ہے۔

(جاری ہے)

ایاز صادق نے عبدالعلیم خان کے کاغذات کی منظوری کیخلاف ایپلٹ ٹریبونل میں اپیل دائر کی تھی جس میں مقف اختیار کیا گیا تھاکہ عبدالعلیم خان نے کاغذات نامزدگی میں ذرائع آمدن کے بارے میں غلط بیانی کی لہذا ایپلٹ ٹریبونل ان کے کاغذات نامزدگی مسترد کرنیکا حکم دے۔۔لاہور ہائیکورٹ کے ایپلٹ ٹریبونل کے جج جسٹس طارق سلیم شیخ نے ایاز صادق کی اپیل پر سماعت کی۔ایپلٹ ٹریبونل نے سردار ایاز صادق کی اپیل مسترد کرتے ہوئے ریٹرننگ افسر کے عبدالعلیم خان کے کاغذات منظور کرنے کا فیصلہ برقرار رکھا۔