پاکستان اور چین کے درمیان پائیدار ثقافتی تعلقات قائم ہیں، پائیدار ثقافتی تعلقات ہمیشہ کے لئے رہتے ہیں جس سے محبت، پیار بڑھتا اورتعلقات کی آبیاری ہوتی ہے، چین پاکستان اقتصادی راہداری (سی پیک) چین کے ون روڈ ون بیلٹ کا کامیاب ترین منصوبہ ہے، دو طرفہ ثقافتی تبادلے بہت اہمیت کے حامل ہیں، پاکستان اور چین کے درمیان دوستانہ، سیاسی اور معاشی تعلقات کے بعد اب ثقافتی تعلقات بھی مزید مستحکم ہورہے ہیں
وفاقی وزیر اطلاعات و نشریات بیرسٹر سید علی ظفر کا "چائنہ ان سٹیمپس" نمائش کی افتتاحی تقریب سے خطاب
پیر 25 جون 2018 21:51
(جاری ہے)
ڈی جی پی این سی اے جمال شاہ ،چینی سفارتخانے کے حکام اور وفود بھی تقریب میںشریک تھے ۔ وفاقی وزیر بیرسٹر سید علی ظفر نے کہا کہ پاکستان اور چین کے مابین دوستانہ تعلقات، معاشی اور سیاسی تعلقات کے بعد اب ثقافتی سطح پر بھی تعلقات مزید مستحکم ہورہے ہیں جو کہ خوش آئند ہیں ، دونوں ممالک کے عوام سے عوام تک کے رابطے بھی اہمیت کے حامل ہیں ۔
انہوں نے کہا کہ چین میں پہلی پرواز پی آئی اے کی اتری تھی جب دنیا مشرق اور مغرب میں تقسیم ہوگئی تھی اور تعلقات سے زیادہ مفادات کے ترجیح دی جارہی تھی تو اس وقت بھی پاکستان نے چین کے ساتھ دوستی کو ترجیحی دی اور چین کے ساتھ کھڑا ہوا ،امریکی نمائندہ ہنری کسنجر کا دورہ چین بھی پاکستانی رابطوں اور تعاون کے باعث ہی ہوا تھا ۔انہوں نے کہا کہ پاکستان کسی بھی معاملے میں اپنے دوست ملک چین ساتھ کھڑا ہوتا ہے۔ انہوں نے کہا کہ چین کا ون روڈ ون بیلٹ منصوبے میں راہداری سے متعلق منصوبوں میں سی پیک کامیاب ترین منصوبہ ہے ۔ انہوں نے کہا کہ پاکستان کی ثقافت بھی بہت تاریخی ،خوبصورت اور وسیع ہے ، پاکستان میں معاشرتی روایات، شادی تقریبات ، ایک دوسرے سے مصافحہ کرنا اوربات چیت کا طریقہ بھی ثقافت کا اہم جزو ہے۔ انہوں نے کہا کہ ثقافتی تبادلوں سے ثقافت ظاہر ہوتی ہے، دوطرفہ ثقافتی وفود کے تبادلے بھی اہمیت کے حامل ہوتے ہیں ۔ وفاقی وزیر سید علی ظفر نے کہا کہ پاکستان نیشنل کونسل آف دی آرٹس (پی این سی ) میں چینی ثقافت کے فروغ کے حوالے سے بہت صلاحیتیں موجود ہیں ،پی این سی کا ثقافت کے فروغ کے حوالے سے کردار قابل ستائش ہے ۔انہوں نے کہا کہ گذشتہ ادوار میں پاکستان میں برٹس سینٹر ،فرنچ سینٹرز فعال تھے ،اب ثقافت کے فروغ کے لئے وہ ہی کام پی این سی میں چائنہ سینٹر بھی کرسکے گا ۔انہوں نے کہا کہ پاکستان میں چینی ثقافت سے آگاہی اور چینی زبان سکھینے کے لئے پاکستانی عوام بالخصوص نوجوانوں کی تعداد بڑھ رہی ہے ۔انہوں نے کہا کہ کسی بھی ملک کی ثقافت کے فروغ کے لئے سٹیمپس اہم ذریعہ ہوتے ہیں ،سٹیمپس کے ذریعے ہی ایک دوسرے ملک کے عوام اس ملک کی سیاست، تاریخ ،ثقافت کے حوالے سے بہتر طریقے سے جان سکتے ہیں ۔انہوں نے کہا کہ پاکستان اور چین بہت سے آئیڈیاز کو لیکر آگے چل سکتے ہیں ،ثقافت کے فروغ کے لئے وزارت اطلاعات و نشریات بھر پور کردار ادا کر رہی ہے ۔انہوں نے کہا کہ ہم آزادی اظہار رائے،معلومات تک رسائی اور آزادی صحافت پر مکمل یقین رکھتے ہیں۔انہوں نے کہا کہ نگران حکومت کے پاس دو ماہ کی آئینی مدت ہے اگر کسی بھی معاملے میں زیادہ وقت درکار ہوا تو آئندہ منتخب حکومت کے لئے قابل عمل گائیڈ لائنز چھوڑ کر جائیں گے ۔انہوں نے کہا کہ اچھی طرز حکمرانی میں معلومات کی فراہمی سے کرپشن سمیت بہت سے مسائل حل ہوجاتے ہیں ۔مزید قومی خبریں
-
صدرمملکت کے خطاب پر بحث کے حوالے سے ایوان کے اتفاق رائے سے امور طے کیے جائیں گے، سپیکرقومی اسمبلی
-
گرل فرینڈ کا برگر کھانے پر ایس ایس پی کے بیٹے نے جج کے بیٹے کو قتل کر دیا
-
پنجاب پولیس کو 1ارب 20کروڑ روپے کے فنڈز جاری
-
9 مئی: ڈاکٹر یاسمین راشد کی درخواست ضمانت پر سماعت 27 اپریل تک ملتوی
-
موسمیاتی تبدیلی کرہ ارض کا درپیش عظیم چیلنج ہے، صورتحال کی سنگینی کو سمجھنا ہوگا: بلیغ الرحمان
-
گرفتاری کاڈر:شیر افضل مروت نے اسلام آباد ہائی کورٹ سے حفاظتی ضمانت کیلئے رجوع کرلیا
-
فواد چوہدری کیخلاف مقدمات،سیکرٹری داخلہ کو توہین عدالت کی درخواست پر نوٹس
-
کے پی حکومت کا بیوٹی پارلرز کے بعد وکلا کو بھی فکسڈ ٹیکس نیٹ میں لانے کا فیصلہ
-
راولپنڈی، 7 سالہ لڑکی کی قابل اعتراض تصاویر اور ویڈیوز وائرل کرنے پر ملزم کو 3 سال قید اور 25 لاکھ روپے جرمانہ کی سزا
-
جاوید لطیف اور رانا تنویر کے درمیان اختلافات حلقے میں ٹکٹوں کی تقسیم تنازع قرار
-
محاز آرائی سے جمہوریت کمزور ہوگی،مولانا نام بتائیں اسمبلی کس نے بیچی،فیصل کریم کنڈی
-
وزیراعظم کے تاجروں سے خطاب کے دوران بھی بانی پی ٹی آئی عمران خان کا تذکرہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.