خصوصی کمانڈو فورس نے نیب اسلام آباد کا کنٹرول سنبھال لیا

چئیرمین نیب کی جانب سے ماضی میں نیب عمارت کو بم سے اڑانے کی دھمکی ملنے کے انکشاف کے فوری بعد نیب اسلام آباد کی سیکورٹی سخت کر دی گئی

muhammad ali محمد علی پیر جون 22:47

خصوصی کمانڈو فورس نے نیب اسلام آباد کا کنٹرول سنبھال لیا
اسلام آباد (اُردوپوائنٹ اخبارتازہ ترین۔25 جون 2018ء) خصوصی کمانڈو فورس نے نیب اسلام آباد کا کنٹرول سنبھال لیا ہے۔ چئیرمین نیب کی جانب سے ماضی میں نیب عمارت کو بم سے اڑانے کی دھمکی ملنے کے انکشاف کے فوری بعد نیب اسلام آباد کی سیکورٹی سخت کر دی گئی۔ تفصیلات کے مطابق پیر کے روز چیئرمین نیب جسٹس (ر)جاوید اقبال نے انکشاف کرتے ہوئے بتایا کہ ماضی میں نیب ہیڈکوارٹرز کوبارود سے اڑانے کی دھمکی دی گئی،عوام میں شعور آچکا ہے نیب کوبم سے اڑانے سے کچھ نہیں ہوگا، بدعنوانی کیخلاف بلاتفریق جہاد جاری رہے گا،زندگی اور موت اللہ کے ہاتھ میں ہے، الیکشن کے دوران گرفتاری سے کسی کوفائدہ نہیں اٹھانے دیں گے۔

 چئیرمین نیب کے اس انکشاف کے بعد اب ہنگامی اقدام اٹھایا گیا ہے۔

(جاری ہے)

خصوصی کمانڈو فورس نے نیب اسلام آباد کا کنٹرول سنبھال لیا ہے۔ جبکہ نیب اسلام آباد کی سیکورٹی کو مزید سخت بھی کر دیا گیا ہے۔ دوسری جانب چئیرمین نیب کا مزید کہنا ہے کہ کچھ لوگ چاہتے ہیں نیب چند لوگوں گرفتار کرے اور وہ سیاسی فائدہ اٹھائیں،جس کی گرفتاری ضروری ہوئی اس کوگرفتار کیا جائے گا۔

انہوں نے آج یہاں نیب افسران سے خطاب کرتے ہوئے کہاکہ پاکستان میں اربوں روپے کرپشن کی نذر ہوگئے۔ میگا کرپشن کیسز کئی سال سے بند پڑے تھے۔وقت آنے پربتاؤں گا کہ کتنے ارب کرپشن کی نذرہوگئے ہیں۔انہوں نے کہاکہ پاکستان اس وقت 90ارب ڈالر سے زائد کامقروض ہے۔ہمیں خدا کا خوف دل میں رکھ کرفیصلے کرنے چاہئیں۔انہوں نے کہاکہ اب قانون کی حکمرانی کاوقت آگیا ہے۔

نیب اافسران صرف کام اور کام پرتوجہ دیں ،نیب افسران قانون کے مطابق اپنا کام جاری رکھیں۔کرپٹ افراد کوکیفرکردار تک پہنچانا ہے۔انہوں نے کہاکہ چند لوگوں نے وطیرہ بنا رکھا کہ وہ نیب میں نہیں آتے۔۔چیئرمین نیب جسٹس رجاوید اقبال نے کہاکہ ملکی سیاست پرکوئی تبصرہ نہیں کروں گا۔ چیئرمین نیب نے واضح کیا کہ کچھ لوگ چاہتے ہیں نیب چند لوگوں گرفتار کرے اور وہ سیاسی فائدہ اٹھائیں۔

ایسا کوئی کام نہیں کریں گے جس کا کسی کوفائدہ ہو۔انہوں نے کہاکہ الیکشن کے دوران گرفتاری سے کسی کوفائدہ نہیں اٹھانے دیں گے۔جس کی گرفتاری ضروری ہوئی اس کوگرفتار کیا جائے گا۔انہوں نے کہاکہ ہمارا مقصد کسی کی توہین کرنا نہیں سب کی عزت کا خیال رکھا جائے گا۔ ملکی مفاد کا تحفظ سب کی ذمہ داری ہے۔۔چیئرمین نیب نے کہاکہ کرپشن پہلے برداشت کی ہے نہ اب برداشت کی جائے گی۔

انہوں نے کہاکہ ماضی میں نیب ہیڈکوارٹرز کوبارود سے اڑانے کی دھمکی دی گئی۔عوام میں شعور آچکا ہے نیب کوبم سے اڑانے سے کچھ نہیں ہوگا۔بدعنوانی کیخلاف بلاتفریق جہاد جاری رہے گا۔زندگی اور موت اللہ کے ہاتھ میں ہے۔۔چیئرمین نیب نے کہا کہ نیب کسی ایک شخص کوموردالزام نہیں ٹھہراتی۔۔پنجاب کی 56کمپنیوں میں اربوں روپے کی کرپشن ہوئی ہے۔صاف پانی کمپنی کیس کا نوٹس سپریم کورٹ نے لیا تھا۔سپریم کورٹ کی جانب سے نوٹس لینے پرممنون ہیں۔