سعودی آئل کمپنی آرامکو کا بھارت میں پٹرولیم کے شعبے کے تمام منصوبوں میں شراکت کا اعلان

منگل 26 جون 2018 11:50

ریاض ۔ (اُردو پوائنٹ اخبارتازہ ترین - اے پی پی۔ 26 جون2018ء) سعودی آئل کمپنی آرامکو کے ایگزیکٹو چیئرمین انجیئر امین الناصر نیکہا ہے کہ ان کی کمپنی بھارت میں پٹرولیم کے شعبے کے تمام منصوبوں میں شراکت کرے گی۔

(جاری ہے)

سعودی اخبار کو دئیے گئے انٹرویو میں آئل کمپنی آرامکو کے ایگزیکٹو چیئرمین نے کہا کہ ہماری کمپنی بھارتی آئل کمپنیوں کے ساتھ اشتراک کے لئے بھارت میں موجود تمام پٹرول سٹیشنوں میں سرمایہ کاری کرے گی۔ واضح رہے کہ ابوظہبی میں طے پانے والے معاہدے کے مطابق آرامکو بھارت میں مجوزہ آئل ریفائنری میں حصہ دار ہوگی اور یہ ریفائنری یومیہ 1.2ملین بیرل تیل صاف کرے گی۔