آسٹریلیا میں کینگرو میدان میں آکر بیٹھ گیا جس کے باعث میچ روکنا پڑا

منگل 26 جون 2018 15:14

سڈنی(اُردو پوائنٹ اخبارتازہ ترین - این این آئی۔ 26 جون2018ء) آسٹریلیا میں کینگرو میدان میں آکر بیٹھ گیا جس کے باعث میچ روکنا پڑا ۔تفصیلات کے مطابق اتوار کو کینبرا کلب اور بیلکونین یونائیٹڈ کے مقابلے میں ہاف ٹائم پر جب کھلاڑی میدان سے باہر گئیں تو ایک بڑا سا کینگروگول پوسٹ کے دہانے پر آکر بیٹھ گیا اور وہاں سے ہلنے سے انکار کردیا۔

(جاری ہے)

میچ کمنٹیٹر رس گبز کے مطابق مذکورہ کینگرو پہلا ہاف دور سے دیکھتا رہا، یہ کھیل اس کو اتنا پسند آیا کہ خود ہی اس کا حصہ بننے کیلیے میدان میں اترا اور گول پوسٹ میں جم کر بیٹھ گیا ،ْاس کی وجہ سے تقریباً آدھا گھنٹہ کھیل رکا رہا،آخر بیلکونین کلب کے کوچ نے اپنی کار استعمال کرتے ہوئے ہوشیاری سے اسے باہر نکالا۔