کرکٹ کے میدان میں پاکستان اور بھارت آمنے سامنے

ایشیاء کپ میں پاک بھارت ٹاکرا کب ہوگا، اعلان کردیا گیا

منگل 26 جون 2018 16:08

کرکٹ کے میدان میں پاکستان اور بھارت آمنے سامنے

دبئی(اُردو پوائنٹ اخبارتازہ ترین - آئی این پی۔ 26 جون2018ء) رواں برس ایشیا کپ میں پاکستان اور بھارت کا ٹاکرا21ستمبر کو متوقع ہے ون ڈے فارمیٹ میں کھیلے جانے والے اس ٹورنامنٹ کے تمام میچز دبئی اور ابوظہبی میں ہوں گے۔

(جاری ہے)

مجوزہ شیڈول کے مطابق 18ستمبر کو پہلا میچ پاکستان اور کوالیفائر کے درمیان ہوگا، اسی روز بنگلہ دیش کی ٹیم کا سری لنکا سے سامنا ہونا ہے، بھارت اپنا پہلا میچ اگلے روز کوالیفائرز کے ساتھ کھیلے گا۔

21ستمبر کو پاک بھارت مقابلے کے ساتھ بنگلہ دیش اور افغانستان کے درمیان بھی مقابلہ طے ہے۔ اس سے قبل اگست میں ملائیشیا میں ایشیا کپ کوالیفائرز ایونٹ ہوگا جس کی فاتح ٹیم ایشیا کپ میں پہلے پاکستان اور بعد میں بھارت کا مقابلہ کرے گی۔ ایشیا کپ کا گذشتہ ایڈیشن ٹوئنٹی 20 طرز میں ہوا تھا تاہم آئندہ برس ورلڈ کپ کی وجہ سے اس بار یہ ایونٹ ون ڈے فارمیٹ میں منعقد ہوگا۔