سوشل میڈیا پر اپنی ہی بیوی کی غیر اخلاقی ویڈیوز پھیلا کر بلیک میل کرنے والا ملزم گرفتار

منگل 26 جون 2018 16:15

لاہور(اُردو پوائنٹ اخبارتازہ ترین - آئی این پی۔ 26 جون2018ء) ایف آئی اے نے سوشل میڈیا پر اپنی ہی بیوی کی غیر اخلاقی ویڈیوز پھیلا کر بلیک میل کرنے والا ملزم فیصل گرفتار کرلیا۔ایف آئی اے نے واپڈا ٹان لاہور میں کارروائی کر کے فیصل نامی شخص کو گرفتار کیا اور اس کے قبضے سے برآمد ہونے والا موبائل فون و لیپ ٹاپ تحویل میں لے لیا۔ملزم کے موبائل فون سے خاتون کی تصاویر اور وڈیوز بھی برآمد ہوئی ہیں۔

(جاری ہے)

ایف آئی اے نے ملزم کے خلاف سائبر کرائم ایکٹ کے تحت مقدمہ درج کرکے تفتیش شروع کر دی ہے ملزم فیصل کی اہلیہ کا کہنا ہے کہ اس کی شادی جنوری میں ہوئی تھی۔ شادی کے ایک ماہ بعد گھر میں جھگڑے شروع ہوگئے تو مجھے میکے آنا پڑافیصل کی بیوی نے ایف آئی اے کو بتایا کہ میرے شوہر نے شادی کے بعد چوری چھپے کچھ غیر اخلاقی ویڈیوز بنائیں میرے میکے جانے کے بعد فیصل نے ویڈیوز کا غلط استعمال کیا اور مجھے بلیک میل کرنا شروع کردیاایف آئی اے کے ڈپٹی ڈائریکٹر خالد انیس نے انکشاف کیا ہے کہ سائبر کرائم کی مد میں 80 فیصد کیسز سوشل میڈیا پر لڑکیوں کو بلیک میل کرنے کے رپورٹ ہوتے ہیں۔