اگلی باری پھر زرداری، بختاور بھٹو

سب نے جان بوجھ کر مخصوص مقاصد کیلئے آصف زرداری کو سی پیک کے کریڈٹ سے محروم رکھا، 18ویں ترمیم سے مختلف ممالک سے کرنسی کے تبادلے تک کا کریڈٹ بھی آصف زرداری کا ہے،بختاور بھٹو زرداری کا ٹویٹ

منگل 26 جون 2018 16:15

کراچی (اُردو پوائنٹ اخبارتازہ ترین - آئی این پی۔ 26 جون2018ء) پاکستان پیپلز پارٹی کے صدر آصف علی زرداری کی صاحبزادی بختاور بھٹو زرداری نے کہا ہے کہ اب اگلی باری پھر زرداری،سب نے جان بوجھ کر مخصوص مقاصد کے لیے آصف علی زرداری کو سی پیک کے کریڈٹ سے محروم رکھا، 18ویں ترمیم سے مختلف ممالک سے کرنسی کے تبادلے تک کا کریڈٹ بھی آصف زرداری کا ہے۔

(جاری ہے)

چینی سفیر کے بیان کہ سی پیک آصف زرداری نے بنایا پر بختاوربھٹو نے سماجی رابطے کی ویب سائٹ ٹوئٹر پر اپنے ایک بیان میں اظہار مسرت کیا ہے۔بختاور کا نے کہا ہے کہ ہم سب نے سی پیک منصوبے کو 2013 میں دیکھا، ہم سے میری مراد پاکستانی عوام، اپوزیشن جماعتیں اور میڈیا ہاوسز ہیں۔انہوں نے مزید کہا کہ سب نے جان بوجھ کر مخصوص مقاصد کے لیے آصف علی زرداری کو سی پیک کے کریڈٹ سے محروم رکھا۔بختاوربھٹو نے کہا ہے کہ 18ویں ترمیم سے مختلف ممالک سے کرنسی کے تبادلے تک کا کریڈٹ بھی آصف زرداری کا ہے،انہوں نے بینظیر انکم سپورٹ پروگرام اور اس جیسے کئی اور بڑے کام کیے۔

Facebook Twitter Google + Share on Whatsapp

اگلی باری پھر زرداری، بختاور بھٹو

متعلقہ عنوان :

مزید اہم خبریں